Videoja e VV-së, Ymeri: Po e bëjnë për ta maskuar luftën me sindikatat
Autori: Gazeta inFokus 23:06 | 03 October 2022
Analisti Visar Ymeri, teksa ka komentuar videon e publikuar nga Lëvizja Vetëvendosje, ka thënë se e njëjta është bërë për ta maskuar luftën e vetë të cilën po e bën Qeveria e udhëhequr nga Lëvizja Vetëvendosje.
Sipas tij, e vetmja luftë me të cilët po bën kryeministri i Kosovës, Albin Kurti, është ajo me sindikatat dhe mësimdhënësit.
“Tërë kohën kur e dëgjon kryeministrin dhe të tjerët kur flasin, duke e mbrojtur Kosovën nga Serbia dhe që po e luftojnë krimin dhe korrupsionin dhe kjo përfshirë këtë video bëhet aq e madhe për ta maskuar luftën e vetë të cilën po e bën Qeveria e LVV-së, e ajo është lufta me sindikatat dhe mësimdhënësit”.
Në emisionin “Debat plus”, në RTV Dukagjini, Ymeri ka theksuar se deri më tani, Kurti nuk ka bërë me askënd tjetër “luftë”.
Sipas tij, duke i luftuar sindikatat dhe mësimdhënësit, Kurti me apo pa dashje po i ndihmon bankat private.
“Deri më tash nuk kanë bërë luftë me askënd, pos me sindikatat, as me krimin në veri, as me oligarkët, as me strukturat paralele në Veri, as me ata që nuk e paguajnë rrymën në Veri, marrëveshje me Vucicin po bën, ndërkohë që luftën e vetme po e bën me njerëzit që e kanë 275 euro p.sh. një teknik në shkollë”, shtoi ai.
“Një qeveri e majtë që e lufton sindikatën, mësimdhënësin që është relativisht i varfër në kushtet ekonomike dhe në këtë luftë po i ndihmon bankat private, me qëllim apo pa qëllim”, ka thënë Ymeri teksa shton se “kjo është e vërteta që videoja po mundohet ta fsheh”.
Po ashtu, ai ka potencuar se mekanizmi kryesor i popullistëve është ndarja e shoqërisë në dysh.
“Krejt të tjerët janë hajna vetëm VV është ajo që e lufton hajninë, kjo video këtë e thotë. Ky është efekti i parë, efekti popullist. Përmes këtij polarizimi, Kurti dhe qeveria duan të dalin në pah si ata shpëtimtarët që kanë gati si fuqi hyjnore që do ta ndreqin këtë vend”.
“E dyta është një prej parimeve bazë të propagandës partiake, është që sa më e madhe është rrena aq më shumë njerëz e besojnë atë. Ne kemi dëgjuar prej se ka filluar greva e SBASHK-ut, edhe kryeministrin, po edhe eksponentët e qeverisë që i kanë thënë dy gjëra, këta kanë vjedh, këta janë të lidhur me këta hajnat dhe kjo nuk është grevë por bojkot sepse po duan të luftojnë shtetin dhe e treta Kurti ka thënë do ta shihni pas 2 apo 3 jave ku është problemi, se nuk është te arsimi hiç. Ai po do të tregojë se kam pasur të drejtë. Nuk paska qenë qëllimi rrëzimi i qeverisë, është dashur t’i dalin fjalët e kryeministrit, do të bëjmë diçka që ato të duken të vërteta”, përfundoi ai.
Kjo video vjen në ditën kur grevat janë pezulluar dhe mësimi ka filluar, dhe ditë në të cilën Qeveria e Kosovës nuk ka ekzekutuar pagat për mësimdhënësit.
“Shkatërruesit e shtetit që nuk duan ta shohin Kosovën mirë, për 20 vite kanë qeverisur vendin. Herë vetëm e herë njëri me tjetrin. Formalisht të ndarë në parti të ndryshme, por praktikisht në një qëllim”, thuhet në postimin e tyre.
Sipas tyre, opozita kishte vetëm një qëllim.
“Rreth Kosovës së përbashkuar që e shihni veç si tender, si ryshfet, si haraç, si krim, si korrupsion e si çka tjetër. Ishte vetëm një subjekt që s’ishte në anën e tyre, VETËVENDOSJE”, thuhet më tutje.
Të tjera
-
S’futet në rend dite propozimi i PDK-së për debat në lidhje me të gjeturat e DASh-it
Propozimi i PDK-së për debat parlamentar në lidhje me të gjeturat e raportit ...
-
U vazhdohet paraburgimi edhe për dy muaj tre të dyshuarve për su*min në Banjskë
Me kërkesë të Prokurorisë Speciale të Kosovës, Gjykata Themelore ua ka vazhdu...
-
Në seancë të mbyllur nis dëshminë dëshmitari i 57-të në rastin Thaçi dhe të tjerët
Në Dhomat e Specializuara të Kosovës (DhSK) në Hagë po vazhdon dëshminë dëshm...
-
Nis seanca, PDK kërkon debat parlamentar në lidhje me të gjeturat e raportit të DASh-it
Shefi i grupit parlamentar të PDK-së, Abelard Tahiri, ka kërkuar në emër të p...
-
Kusari-Lila: Mundësia e marrëveshjes për dinarin varet nga BE-ja sa po e bind Serbinë të mos jetë palë destruktive
Shefja e deputetëve të Lëvizjes Vetëvendosje, Mimoza Kusari Lila, ka thënë se...
-
Shefja e USAID-it, ai i UNICEF-it dhe ministrja Nagavci vizitojnë Gjilanin
Komunën e Gjilanit e ka vizituar drejtoresha e Misionit të USAID-it në Kosovë...
-
6 miliardëshi për Kosovën e Ballkanin, vendimi i fundit i legjislaturës së tanishme të PE-së
Para se ta përfundojë mandatin, legjislatura e tanishme në Parlamentin Evropi...
-
Keqpërdori pozitën zyrtare, kërkohet paraburgim ndaj të dyshuarit
Prokuroria Themelore në Ferizaj, Departamenti i Krimeve të Rënda, ka kërkuar ...
-
Arrestohen dy të dyshuar në Mitrovicë për dhënie e marrje të ryshfetit
Të mërkurë në Mitrovicë janë arrestuar dy të dyshuar meshkuj, njëri shtetas i...
-
Kushtetuesja e Speciales me vendim në rastin ‘Januzi e të tjerët’
Gjykata Kushtetuese e Speciales ka hedhur poshtë referimin lidhur me Rregullo...
-
Ministri Maqedonci udhëton në Hungari, pritet t’i zhvillojë disa takime
Ministri i Mbrojtjes, Ejup Maqedonci, ka udhëtuar për vizitë pune në Hungari....
-
Suharekë: Hyjnë me forcë në shtëpi dhe vjedhin para e stoli ari
Një person në Suharekë ka raportuar në polici të mërkurën se persona të panjo...