Lajme

Vëzhguesit : Ja sa u shit vota në zgjedhje

Autori: Gazeta inFokus 11:13 | 06 July 2017

Koalicioni i Vëzhguesve Vendorë pranon ekzistencën e fenomentit të shitblerjes së votës në zgjedhjet e 25 qershorit.

Gerta Meta ka pohuar se KVV ka marrë denoncime nga njerëzit për blerjen e votës në format nga më të ndryshmet. E pranishme në emisionin “Tonight”, Meta është shprehur se nuk ka akoma një lloj instrumenti apo mekanizimi që institucionet shtetërore të ndihmojnë njëri-tjetrin apo të merren realisht me atë që ofron blerjen e votës apo atë që e shet votën.

“Mbetemi akoma në pjesën që më tepër është një lloj përceptimi por nuk mund të themi që nuk ndodh. Kemi dëgjuar shifra edhe të çmimit të votës.Ka pasur raste që ka shkuar dhe 5000 lekë të reja në Tiranë, këto kanë qenë ofertat e para por nuk mund të themi sesa ka vajtuar deri në fund.

-Advertisement-

Nuk ka qenë vetëm pjesa e çmimit të votës në terren por ka pasur dhe indicje që njerëzit do të punësohen dhe ky ka qenë presioni më i madh që u është bërë votuesve. Subjektet e kanë përdorur këtë, që na votoni ne se do tu ofrojmë punë.

Kanë shkuar në shkollat e mesme dhe është lobuar që ata të marrin provime, tu hiqen mungesat nga mësimi, është lobuar që të nxiten me bursa. Njerëzit i kanë sjellë këto shqetësime”, tha Gerta Meta.

Subscribe në YouTube: GAZETA INFOKUSI
Etiketa:
Ku mos mu HUTU me BLACK FRIDAY Artmotion
-Advertisement-

Të tjera

Fokusi

lajme