Një veturë zyrtare me tabela 06Z është parkuar mbi vendkalimin e këmbësorëve në qytetin e Gjilanit.

Ka plotë raste kur zyrtarët me veturat e shtetit thyejnë rregullat e komunikacionit dhe që denoncohen nga qytetarët me anë të fotografive.

Një rast i tillë ka ndodhur në Gjilan, ku një veturë me tabela 06Z është parkuar mbi vendkalimin e këmbësorëve.

Sipas Ligjit për rregullat e trafikut rrugor, neni 92 shpjegon se ku ndalohet ndalja dhe parkimi i veturës.

Pika 1.7 thotë se ndalohet ndalja dhe parkimi në vendkalim të këmbësorëve, në vendkalim të biçikletave, si dhe në distancë më të vogël se pesë (5) metra para vendkalimit të tillë.

Ky nen thotë se dënohet për kundërvajtje, me gjobë prej tridhjetë eurosh, shoferi i mjetit i cili e ndal ose e parkon mjetin në kundërshtim me dispozitat e këtij neni.

Më poshtë fotografia e publikuar nga qytetarët në rrjetet sociale.