Lajme

Vetëvendosje: Sulmet ndaj gazetarëve të patolerueshme, na lëndojnë të gjithëve

Autori: Gazeta inFokus 10:07 | 17 August 2017

Lëvizja Vetëvendosje ka reaguar ndaj sulmit të mbrëmshëm që iu bë gazetarit Parim Olluri.

Në një njoftim dërguar medieve, VV ka thënë se sulmet ndaj gazetarëve janë të patolerueshme e që tregojnë cenimin e shprehjes së lirë të fjalës.

Sipas VV, këto akte i lëndojnë të gjithë e jo vetëm gazetarët. Lexoni komunikatën e plotë:

-Advertisement-

Sulmi ndaj gazetarëve është i papranueshëm e patolerueshëm. Lajme të tilla, sikur ky për sulmin ndaj gazetarit Parim Olluri, që tregon edhe për cenim të shprehjes së lirë dhe sigurisë fizike të gazetarëve, na lëndojnë të gjithëve.

Organet e drejtësisë duhet ta zbardhin sa më shpejt këtë rast duke e trajtuar me prioritet. Sidoqoftë, nuk ka asnjë arsyetim mbi këtë ngjarje të shëmtuar e gjithashtu nuk ka kurrfarë justifikimi që zbardhja e këtij rasti të zvarritet si njëra prej lëndëve të pazgjidhura nga organet e drejtësisë.

Ne i urojmë shërim gazetarit Parim Olluri dhe bashkëshortes së tij dhe shpresojmë ta tejkalojnë lehtësisht këtë ngjarje.

Liria e shprehjes e kritikës duhet të mbetet një prej shtyllave që kërkojnë më së shumti angazhim për t’u realizuar si shoqëri demokratike. Aktivistët e Lëvizjes VETËVENDOSJE! shprehin solidaritetin e tyre me gazetarin Olluri.

Subscribe në YouTube: GAZETA INFOKUSI