Lajme

Vetëvendosje nuk i merr seriozisht deklaratat e Daniel Serwerit për Kurtin

Autori: Gazeta inFokus 21:41 | 27 June 2017

Ditë më parë analisti amerikan Daniel Serwer, nga Qendra për Studime Strategjike dhe Ndërkombëtare, e ka parë me skepticizëm të ardhmen e dialogut me Serbinë, nëse Qeverinë do ta kryesonte ish-kreu i lëvizjes Vetëvendosjes, Albin Kurti.

Kandidati për kryeministër Albin Kuti ka filluar të bëjë thirrje për koalicion me LDK’në për formimin e qeverisë së ardhshme, por për një analist të hershëm të zhvillimeve në Kosovë, perspektiva e një qeverie të drejtuar nga Albin Kurti mund të sillte probleme kushtetuese.

“Kosova është demokraci. Kushdo që mund të sigurojë shumicën, mund të kryesojë qeverinë, nuk kam dyshim për këtë. Do të ishte megjithatë disi e çuditshme në një farë mënyre pasi Albini përfaqëson një lëvizje, që është kundër Kushtetutës. Ajo kërkon bashkimin me Shqipërinë, ose të paktën opsionin e bashkimit me Shqipërinë, që është në kundërshtim me Kushtetutën e Kosovës”, kishte thënë Serwer.

-Advertisement-

Ndërsa nënkryetari i Vetëvendosjes, Dardan Sejdiu tha se deklaratat e Daniel Serwerit nuk duhet të merren për bazë, pasi sovrani ka vendosur kush duhet t’i përfaqësoj ata dhe jo qytetarët të cilët jetojnë në Washington.

Daniel Serwer nuk është përfaqësues amerikan. Më së shumti çka është, është qytetar amerikan dhe në SHBA jetojnë diku 260 milionë amerikanë. Por ata nuk janë votues në Republikën e Kosovës. Vota e qytetarit ka qenë e qartë. Ata duan që Republika e Kosovës të udhëhiqet nga Lëvizja Vetëvendosje”, tha Sejdiu për Tribuna Channel.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy