Lajme

Veteranët ultimatum Qeverisë, Klinaku: Kurti kishte qëndrime disktriminuese në takim

Autori: Gazeta inFokus 10:27 | 20 June 2022

Ushtruesi i detyrës së kryetarit të Organizatës së Veteranëve të Luftës së UÇK-së, Faton Klinaku, tha se çështja e pagesës së veteranëve “nuk është çështje e ofertave”, ndërsa kërkoi që Qeveria ta plotësojë kërkesën e tyre, raporton Gazeta Express.

Klinaku tha në një konferencë për media se “ashtu siç nuk e kemi pranuar okupimin, nuk pranojmë diskriminim dhe as politizim të çështjes së veteranëve 23 vite pas luftës”.

Përfaqësuesi i veteranëve tha se s’ka pasur nervozizëm në takimin me kryeministrin Albin Kurti, por tha se shefi i Qeverisë ka qëndrime “diskriminuese me tendencë politizuese ndaj çështjes së veteranëve”.

-Advertisement-

“Në takim me kryeministrin Kurti nuk kemi gjetur gjuhë të përbashkët. Kurti vazhdon të insistojë në qëndrimet e tij diskriminuese me tendencë politizuese ndaj çështjes së veteranëve dhe nuk plotësoi kërkesën tonë që është minimale”, tha ai.

Klinaku tha se do t’i japin afat Qeverisë dhe Kuvendit deri ditën kur projektligji për caktimin e pagës minimale do të futet në rend të ditës për shqyrtim të dytë.

“Kryeministri ka premtuar se do të dalë me propozim për ta zgjidhur këtë çështje dhe ne iu kemi dhënë kohë për këtë Qeverisë dhe Kuvendit”, tha ai.

“Është koha që të përmirësohet ky gabim i propozuar nga Qeveria. Ne iu japim kohë që deri në lexim të dytë ta përmirësojnë gabimin e diskriminimit të veteranëve me pagën minimale. Nëse diskriminimi mbetet pjesë e ligjit për pagën minimale, atëherë ne sot paralajmërojmë protestë ditën që mbahet seanca e Kuvendit për shqyrtimin e dytë”, tha Klinaku.

Ai paraprakisht theksoi se protesta e tyre e fundit bëri “e detyroi qeverinë të ulet me ne”.

Subscribe në YouTube: GAZETA INFOKUSI
Etiketa:

Të tjera

Fokusi

lajme