Lajme

Veteranët presin shpërndarjen e pensioneve për gusht e shtator

Autori: Gazeta inFokus 20:15 | 24 September 2017

Qeveria e Kosovës i ka ndarë 26 milionë euro, për t’i mbuluar pensionet e veteranëve të luftës së UÇK-së.

Pensionet retroaktive për gushtin e shtatorin pritet të dalin në javën e ardhshme, kjo nëse Kuvendi ia arrin ta miratojë shqyrtimin e Projektligjit për Buxhetin e vendit.

LDK-ja ka paralajmëruar se do ta bojkotojë atë, nëse Qeveria Haradinaj nuk e kthen buxhetin në shumën 2 miliardë euro, raporton KTV.

-Advertisement-

Qeveria më 2017, u përballë me fluks të madh të veteranëve të papunë të UÇK-së.

Më shumë se 33 mijë persona marrin pension nga shteti, ku aktualisht 5.5 milionë euro në muaj shpenzohen për këto pensione, por numri vazhdimisht po rritet.

Kjo bëri që të FMN-ja të tërheqë fondet e saj për Kosovën, pasi Qeveria Mustafa nuk ia arriti të funksionalizojë Komisionin për Klasifikimin e veteranëve në 3 kategori, proces ky i paraparë t’i kursejë miliona euro arkës së shtetit.

Qeveria Haradinaj nuk ka treguar se kur do të nisë punën Komisioni për Klasifikimin e veteranëve, dhe se çfarë ka ndodhur me Komisionin që ishte votuar nga Qeveria Mustafa.