Lajme

Veteranët “ia mësyjnë” qeverisë

Autori: Gazeta inFokus 09:44 | 06 June 2022

Veteranët e luftës së UÇK-së sot kanë paralajmëruar se do të mbajnë një protestë me fillim mga ora 10:00, shkruan Gazeta Infokus.

Në disa fotografi të siguruara nga Gazeta Infokus, shihet se tashmë veteranët e luftës janë mbledhur dhe po “ia mësyjnë” qeverisë.

Kjo protestë ishte paralajmëruar ditë më parë nga ushtruesi i detyrës së kryetarit të OVL UÇK-së, Faton Klinaku, ku kishte thënë se veteranët ndihen të diskriminuar për shkak të anashkalimit të tyre.

-Advertisement-

Ai tha se kjo protestë do të mbahet për shkak të “diskriminimit që po iu bëhet veteranëve, invalidëve dhe familjarëve të dëshmorëve”.

“Meqenëse të hënën me datë 06.06.2022 në ora 11:00 do të mbahet seanca e Kuvendit të Kosovës, dhe si pikë e parë e rendit të ditës është miratimi i projektligjit për ndryshimin e ligjeve, me anë të të cilit ky pushtet po do që t’i heqë veteranët e luftës nga lidhja me pagën minimale, u vendos që të kundërshtohet kjo. Në takimin me degë, u vendos që të hënën me datën 6 qershor 2022, Organizatat e dala nga lufta e UÇK-së, prej orës 10:00, të organizojnë protestë para Kuvendit të Kosovës kundër diskriminimit që po iu bëhet veteranëve, invalidëve dhe familjeve të dëshmorëve”, kishte shkruar ai në Facebook./Gazeta Infokus/

Më poshtë gjeni fotot:

 

Subscribe në YouTube: GAZETA INFOKUSI
Etiketa:
Afati i fundit për regjistrime në programin MSc. Data Science & Analytics në UNI – Universum International College – Powered…

Të tjera

Fokusi

lajme