Veteranët akuzojnë Kadri Veselin se ua morri meritat për Tribunalin
Autori: Gazeta inFokus 15:45 | 19 May 2019
E paraqiti si nismë të tij.
Por, ideja për krijimin e Tribunalit Ndërkombëtar për krimet serbe po del se nuk ka qenë e kryetarit të Kuvendit të Kosovës, Kadri Veselit.
Madje ai po akuzohet se ua mori meritat.
Sipas kryetarit të Organizatës së Veteranëve të Luftës së Ushtrisë Çlirimtare të Kosovës, Hysni Gucati një propozim të tillë e kishin dërguar në Qeveri dhe Kuvend një vit më parë.
Gucati në një intervistë dhënë arbresh.info ka thënë se për këtë edhe kanë kundërshtuar krijimin e Speciales.
“Kjo ka qenë iniciativa jonë edhe para një viti, ne kemi bë kërkesë Parlamentit dhe Qeverisë. Ne e kemi kundërshtuar Gjykatën Speciale për pjesëtarë të UÇK-së sepse kemi kërkuar që të krijohet një Gjykatë që ndëshkon të gjithë personat që kanë kryer krime në Kosovë. E kush ka kryer krime e dimë policia, ushtria dhe parlamentarët serbë”, ka thënë ai.
I pari i OVL-së, ka thënë se edhe pse u kanë marrë meritat dëshirojnë vet vetëm krijimin e këtij Tribunali.
“Edhe para një viti kemi marrë përgjigje pozitive, tash kryetari i Parlamentit, Kadri Veseli po e qet në Parlament këtë iniciativë po e marrin meritën por ne nuk na intereson kjo shumë pasi ne kërkojmë që kjo të aprovohet dhe Gjykata të krijohet”, ka thënë ai.
E për komentet se është vonë, Gucati është përgjigjur me “më mirë vonë se kurrë”.
“Një fjalë popullore thotë “më mire vonë se kurrë”, është e vonshëm por më mirë vonë se kurrë. Krimi nuk plaket dhe nuk harrohet kurrë dhe ai duhet të dënohet dhe pas 50 apo 100 viteve dhe kriminelët serbë duhet të japin llogari për to. Unë jam dëshmitar vetëm në fshatin tim Morinë, Rrezallë, Izbicë për krimet që janë kryer atje”, ka thënë ai.
Miratohet rezoluta për gjenocidin serb të kryer në Kosovë
Kryetari i Kuvendit të Kosovës, Kadri Veseli në fillim të majit ka paraqitur propozimin e tij për ndërtimin e një Tribunali, ku do të gjykohen krimet që ka kryer shteti i Serbisë gjatë luftës së fundit në Kosovë.
“Kjo gjykatë është e mundur, është e domosdoshme, ka për të ndodhur, do të ndodh. Fundi në këtë proces ka vetëm një qëllim, drejtësi dhe të ardhme e pajtim”, pati thënë Veseli.
Veseli ka thënë gjithashtu se drejtësia ndërkombëtare në Kosovë nuk ka bërë mjaftueshëm në dënimin e krimeve serbe.
“Ne kemi besuar tek e vërteta. Fatkeqësisht, kanë kaluar dy dekada dhe pak, ose aspak nuk është bërë në këtë drejtim. Tribunali i Hagës, i ka lënë në gjysmë proceset gjyqësore kundër krerëve të regjimit të Millosheviçit. Për atë sa edhe drejtësia ndërkombëtare në Kosovë, nuk e ka bërë punën e saj që është dashur ta bënte”, ka thënë Kadri Veseli.
E të enjten e 16 majit, me 79 vota për dhe asnjë kundër deputetët e Kuvendit të Kosovës kanë votuar Rezolutën për gjenocidin serb të kryer gjatë luftës së fundit në Kosovë.
Gjatë votimit në sallë nuk morën pjesë deputetët e komunitetit serb.
Ndërsa miratimi i kësaj rezolute i hap rrugën procedurave për krijimin e një Tribunali për krimet serbe në Kosovë.
Në këtë rezolutë thuhet se gjatë luftës së fundit në Kosovë u vranë mbi 12 mijë persona.
“Kjo rezolutë nxirret në 20 vjetorin e luftës së Kosovës dhe një fushate shfaruese që kishte ndërmarrë Serbia në Kosovë. Gjatë luftës së Kosovës forcat e Serbisë dhe Malit të Zi, por më shumë të Serbisë, dëbuan mbi një milionë shqiptarë, vranë mbi 12 mijë persona, civilë të pambrojtur nga të gjitha etnitë, por shumica shqiptarë. U vranë mbi 1300 fëmijë, u dhunuan mbi 20 mijë vajza dhe gra dhe u bënë mbi 100 masakra”, thuhet në tekstin e kësaj rezolute.
E në vitin 2015, Kuvendi i Kosovës ka miratuar themelimin e Dhomave të Specializuara dhe Zyrës së Prokurorit të Specializuar, të cilat njihen edhe si Gjykata Speciale.
Në këtë Gjykatë po hetohen krimet që pretendohet se janë kryer nga ish-Ushtrisë Çlirimtare të Kosovës.
Të tjera
-
Presidentja Osmani shumicën e pasurisë e deklaron në emër të bashkëshortit të saj
Në deklarimin e pasurisë të bërë në Agjencinë Kundër Korrupsionit, Presidentj...
-
Kryeministri Kurti deklaron pasurinë: Banesë në vlerë 400 mijë euro në emër të gruas (Dokument)
Kryeminsitri Albin Kurti ka deklaruar në Agjencinë për Parandalimin e Korrups...
-
Ramush Haradinaj dekalron pasurinë: Vetëm shtëpitë dhe vila e tij kanë vlerë mbi 1.2 milion euro (Dokument)
Ish-kryeministri i Kosovës, Ramush Haradinaj ka deklaruar pasurinë e tij në A...
-
Memli Krasniqi deklaron pasurinë: 65 mijë euro në Bitcoin, shtëpi 180 mijë euro e banesë 120 mijë euro (Dokument)
Agjencia Kundër Korrupsionit ka publikuar të shtunën, deklarimet e pasurisë s...
-
Në 25 vjetorin e rënies, Haradinaj kujton heroin Selman Lajçi dhe të rënët e Brigadës 136 “Rugova”
Kryetari i Aleancës për Ardhmërinë e Kosovës (AAK), Ramush Haradinaj, ka kujt...
-
Në Podujevë arrestohet dhe më pas lirohet një person që dyshohet se po bashkëjetonte me një të mitur
Një person është arrestuar në Podujevë nën dyshimin për bashkëjetesë me një t...
-
Këto janë gjetjet e Themelores së Prishtinës në rastin e “53 milionëshit”, ku Pal Lekaj u dënua me 3 vite e 8 muaj burgim
Me rastin e përpilimit të aktgjykimit në rastin e njohur si “53-milionëshi”, ...
-
Kryeministri Albin Kurti në Berlin më 25 prill, gazetari gjerman zbulon agjendën
Gazetari gjerman, Michael Martens, ka thënë se kryeministri Albin Kurti do të...
-
Ndërron jẻtë në QKUK burri që u aksidẻntua para rreth një jave në Prizren
Policia e Kosovës ka njoftuar se ka ndërruar jetë personi që ishte aksidentua...
-
Vuçiq në konferencën e përbashkët me O’Brien: Kosova do të shpërblehet me anëtarësim në KiE
Presidenti i Serbisë, Aleksandar Vuçiq, është ankuar në konferncën për media ...
-
O’Brien: Kam punuar si i ri në hetimin e krimeve të luftës në Srebrenicë, duhet të përballemi me të vërtetën
Ndihmëssekretari amerikan i Shtetit për Europën dhe Euroazinë, James O’Brien,...
-
Një grua nga Prishtina raporton se një burrë ia ngẚcmoi ṣeksualisht vajzën, dërgohet në mbajtje i dyshuari
Një nënë nga Prishtina ka raportuar në Polici se një burrë ia ka ngacmuar sek...