Lajme

Veseli viziton fermerët në ara, siguron ata se pakoja 320 milionëshe do të miratohet

Autori: Gazeta inFokus 13:04 | 17 April 2020

Kryetari i PDK-së, Kadri Veseli ka vizituar disa fermerë në fshatin Kijevë, ku ka diskutuar me ta për sfidat që po përballen me mbjelljet pranverore në këtë kohë pandemie.

Ai i ka siguruar fermerët se pakoja për rimëkëmbjen ekonomike prej 320 milionë euro që e ka propozuar PDK është në procedura parlamentare dhe do të bëjnë të gjitha përpjekjet që ajo të miratohet sa më parë, në mënyrë që të ndihmohen 280 mijë punëtorë të sektorit privat dhe dhjetëra mijëra biznese që kanë pësuar nga pandemia Covid-19, transmeton Klan Kosova.

-Advertisement-

“Pakon e rimëkëmbjes ekonomike do ta kalojmë, presim që shumë shpejt ta kalojmë në procedura ta rregullta. Ditën e marte nuk mund ta kalonim përmes seancës së jashtëzakonshme. Duhet t’i gjendemi afër këtyre njerëzve të cilët po punojnë edhe në kohë të pandemisë, të cilët po e krijojnë bukën e Kosovës. Duhet ta përmendi faktin se duke iu falënderuar fermerëve tanë dhe mullinjve tanë ne kemi pasur rezerva ushqimore edhe kur nuk kemi qenë në krizë”.

“Këta janë ata që e mbajnë Kosovën me bukë, këta janë ata që e mbajnë Kosovën me produkte organike. Dhe ne e kemi për obligim si institucione të Republikës së Kosovës, dhe të ndihmojmë ata për faktin se këta kanë nevojë të ndihmohen me shumë. Këta kanë nevojë të ndihmohen për arsyeje se jetojnë me djersën e vet”, ka thënë Veseli, njofton PDK.

Veseli shtoi se sot ka shkruar në Kijevë që të shoh punën e fermerëve, mbjelljen pranverore, për çka tha se këta të fundit kanë gatishmëri por që duan përkrahje nga dora e shtetit.

Ndërsa fermeri, Besim Morina theksoi se në këtë kohë pandemie nuk kanë pasur përkrahje nga shteti.

“Ne duam përkrahje më shumë prej shtetit, me na ndihmuar, mos me na lënë krejtve anëve qysh na kanë lënë deri tani”, është shprehur ai./Gazeta inFokus/

Subscribe në YouTube: GAZETA INFOKUSI