Lajme

Veseli: “Qeveria e Dështimit” do t’i kushtoi qindra miliona euro humbje Kosovës

Autori: Gazeta inFokus 21:12 | 04 June 2020

Kryetari i Partisë Demokratike të Kosovës, ka komentuar qeverinë e shkuar, duke thënë se nga një “Qeveri e Shpresës” ata u shndërruan në një “Qeveri të Dështimit”.

Këto komente ai i ka bërë në emisionin “Rubikon” në Klan Kosova.

“Ajo do të mbahet mend si një Qeveri e dështimit. Asgjë nuk bënë. Edhe në pikat që thonin se do t’i bënin menjëherë.”, ka thënë Veseli.

-Advertisement-

Më tutje, ai tha se në këto 30 vite të raporteve mes Kosovës dhe SHBA-së, asnjëherë sikur me qeverinë e kaluar nuk janë vënë në pikëpyetje raportet tona.

Kryetari i PDK-së foli edhe për shkarkimet e bordeve nga ana e qeverisë Kurti. Sipas tij, e gjitha kjo ka qenë e paligjshme dhe do t’i kushtoj shtetit të Kosovës miliona euro humbje.

Për më tepër, ai tha se edhe këto borde u mbushën me anëtarë të partisë së tyre, për cka kishin thënë se nuk do ta bënin asnjëherë.

Subscribe në YouTube: GAZETA INFOKUSI

Të tjera

Fokusi

lajme