Lajme

Veseli premton zhvillim të hovshëm ekonomik në Viti

Autori: Gazeta inFokus 19:12 | 02 June 2017

Në tubimin e mbajtur sot me qytetarë të Vitisë, kryetari i PDK-së, Kadri Veseli premtoi investime të mëdha në hapjen e vendeve të punës dhe fuqizim të grave dhe rinisë.

Siç njofton PDK, Veseli theksoi se ky entuziazëm që po e sheh në Viti, është edhe në tërë Kosovën.

“Ky entuziazëm të cilin po e shohim sot në Viti, e ka përfshirë anekënd Kosovën tonë. Ky është entuziazëm i lirisë, entuziazëm i shpresës dhe nuk ka asgjë që e ndalon entuziazmin e Fillimit të Ri”, tha Veseli.

-Advertisement-

Më 11 qershor, deklaroi kryetari i PDK-së, do të jetë një nga fitoret më të fuqishme të koalicionit PDK-AAK-NISMA.

Veseli para qytetarëve të Vitisë shpalosi edhe disa nga orientimet kryesore të programit të Fillimit të Ri.

“Orientimi jonë do të jetë nga ndërmarrësia, një ndërmarrësi e fuqishme, e cila është e aftë ta përballojë konkurrencën, që është e aftë të prodhojë të mira materiale dhe të integrojë djemtë dhe vajzat tona të reja në tregun e punës. Do të përkrahim ndërmarrësinë, do të përkrahim fermerët të cilët jetojnë me djersën e ballit të tyre”, tha Veseli.

Ai shtoi se edhe bujqësia do të jetë një prej angazhimeve kryesore të qeverisjes së ardhshme.

“Orientimi jonë do të jetë nga bujqësia, duke e dyfishuar buxhetin për bujqësi në Republikën e Kosovës. Orientimi ynë do të jetë nga fermerët në mënyrë që t’i fuqizojmë ata, sepse duke i fuqizuar ata, fuqizojmë ekonominë e Kosovës, fuqizojmë integrimin e të rinjve tanë”, tha Veseli.

Vitia dhe e gjithë Anamorava, kryetari Veseli tha se do të përfitojnë shumë investime nga qeveria e ardhshme, duke lënë në harresë trajtimin jodinjitoz që i është bërë në tri vjetët e fundit.

Kryetari i PDK-së potencoi se në institucionet e Kosovës dhe në biznese duhet të ketë më shumë gra. Sipas tij, pa fuqizimin e tyre, nuk mund të ketë përparim të vendit.

Subscribe në YouTube: GAZETA INFOKUSI
Etiketa:
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

lajme