Lajme

Veseli lavdëron punën e Abelard Tahirit por nuk tregon nëse ka dhënë dorëheqje

Autori: Gazeta inFokus 12:48 | 02 October 2018

Kryetari i Partisë Demokratike të Kosovës, Kadri Veseli nuk është deklaruar nëse ministri i Drejtësisë, Abelard Tahiri ka ofruar dorëheqjen e tij.

Ai e ka lavdëruar punën e Tahirit duke thënë se vendimmarrja do të jetë e tij.

“Unë e kam takuar ministrin e Drejtësisë pak ma herët, është një nga ministrat që ka bo një pune për të cilën ju vet jeni të njoftuar, reformat në drejtësi. Nuk ka asnjë afër korruptime jam i njoftuar me situatën në të cilën ai ndodhet dhe vendimmarrja do të jete e imja”, ka thënë Veseli.

-Advertisement-

I pari i PDK-së ma mohuar se ngjarjet e fundit brenda partisë e kanë detyruar të kthehet urgjentisht nga Brtitania e Madhe.
“Unë jam kthyer pas një vizite normale, kthimi ka qenë i natyrshëm”, ka thënë Veseli.

Ai madje ka mohuar edhe se kanë mbajtur mbledhje të jashtëzakonshme të kryesisë së partisë.

“Nuk kemi mbledhje të kryesisë, kam pas takime të cilët kanë qenë me kolegët e kryesisë por mbledhje nuk kemi thirru pasi nuk kemi pasur arsye”, ka thënë Veseli.

Ndryshe gjatë të hënës u raportua se ministri i Drejtësisë, Abelard Tahiri, ka ofruar dorëheqjen nga posti i ministrit.
Veç deklarimit të sotëm të Veselit askush nga Qeveria apo PDK nuk ka konfirmuar apo mohuar dorëheqjen e Tahirit./inFokus

Subscribe në YouTube: GAZETA INFOKUSI