Lajme

Veseli: Kush do që Beogradi mos të përzihet në Kosovë, votojeni PDK-në (VIDEO)

Autori: Gazeta inFokus 21:28 | 09 June 2017

Lideri i PDK-së, Kadri Veseli, në një video të publikuar në faqen e tij në Facebook, ka ndarë me qytetarët një mesazh të tij – të cilin e ka dhënë në përmbylljen e fushatës elektorale, sot në Prishtinë.

Veseli u ka thënë qytetarëve që më 11 qershor, ditën kur do të shkojnë te kutitë e votimit, kush e do Kosovën shtet të pavarur dhe sovran, kush e do Kosovën me SHBA-të dhe partnerët ndërkombëtarë, kush do që Beogradi mos të përzihet në vendim-marrjen e Kosovës, atëherë le ta votojnë Partinë Demokratike të Kosovës dhe Fillimin e Ri, njofton GazetaBlic.com

“I thërras të gjithë qytetarët e vendit tonë, të gjithë ata qe ende kane dilema, bëhuni bashkë, sepse ne jemi bërë bashkë për ju. A e dini pse jemi bërë bashkë? Jemi bërë bashkë që më kurrë Serbia të mos kthehet në Kosovë”, ka thënë Veseli.

-Advertisement-

Linku i videos:

PDK-ja është në koalicion parazgjedhor me AAK-në dhe NISMA-n. Në zgjedhjet e të dielës do të garojnë 26 subjekte politike nga to janë 5 koalicione, 19 parti si dhe 2 nisma qeveritare.

Subscribe në YouTube: GAZETA INFOKUSI