Lajme

“Veriu, tokë e askujt”, Bekim Çollaku përkrah deklaratën e Edi Ramës: Qëndron tërësisht

Autori: Gazeta inFokus 21:30 | 04 October 2023

Ish-këshilltari i Thaçit, Bekim Çollaku, tha se informaat që i posedon kryeministri i Shqipërisë Edi Rama, nuk i posedojnë liderët e Kosovës. Kësisoj, ai tha se Rama ju paraprinë shumë proceseve me deklaratat që i jep.

“Mendoj që kryeministri i Shqipërisë është njëri ndër kryeministrat më të informuar sidomos në aspektin e sigurisë. Mendoj që informatat që i posedon kryeministri i Shqipërisë nuk i posedojnë lliderët e Kosovës, për këtë arsye kryeministri i Shqipërisë i paraprinë shumë proceseve me deklaratat e tij”, tha Çollaku në T7.

“Ne duhet ta kuptojmë kontekstin, Edi Rama ka kërkuar një prezencë më të madhe, të KFOR-it, gjë që po ndodh saktësisht. Kjo është ajo çfarë ka paralajmëruar dhe saktësisht e ka qëlluar kryeministri Edi Rama”.

-Advertisement-

Po ashtu, ai tha se qëndron tërësisht deklarata e Ramës “veriu, tokë e askujt”.

Ish-këshilltari i Thaçit edhe e shpjegoi se pse qëndron kjo deklaratë.

“Veriu, tokë e askujt, kjo si analizë qëndron tërësisht sepse në veri të Kosovës nuk është vetëm një akter i përfshirë, nuk janë vetëm institucionet e Kosovës, mirëpo ka shumë akterë të përfshirë. Atëherë kur ka shumë akterë të përfshirë të cilët kanë detyra e qëllime e kompetenca krejtëishst të ndryshme atëherë një territor i caktuar siç është veriu shndërrohet në tokë të askujt”, tha ai.

Gazeta prestigjioze amerikane “Financial Times”, përkatësisht gazetari Marton Dunai, ka dalë me një sqarim në profilin e tij në platformën “X” duke treguar se e kanë korrigjuar intervistën me kryeministrin e Shqipërisë, Edi Ramën, në pjesën kur ka folur për Kosovën dhe tensionet në veri.

Rama për FT ka deklaruar se veriu i Kosovës është shndërruar në tokën e askujt ku të gjitha krimet kombinohen me nacionalizimin në rritje.

“Kosova është një pikë e nxehtë”, tha Rama. Me kalimin e viteve “[Veriu i Kosovës] është bërë një tokë e askujt ku të gjitha llojet e krimeve kombinohen me nacionalizmin në rritje. Kufiri mes krimit dhe politikës është zbehur”, u shpreh ai.

Subscribe në YouTube: GAZETA INFOKUSI