Shëndetësi

Vera e kuqe i rritë shanset e grave për të mbetur shtatzënë

Autori: Gazeta inFokus 17:10 | 25 December 2018

Ekspertët shëndetësorë për një kohë të gjatë kanë bërë të ditur se vera e kuqe (kur konsumohet në sasi modeste, normalisht) mund të sjell efekte pozitive në shëndetin tonë. Si p.sh., vera e kuqe i zvogëlon nivelet e kolsterolit, e zvogëlon rrezikun e sëmundjeve të zemrës dhe ndihmon në memorie kur futemi në vitet e pleqërisë.

Por, përveç këtyre, tani një studim i ri bën të ditur se vera e kuqe e përmirëson edhe pjellorinë te gratë,

Hulumtuesit e Universitetit të Uashingtonit në St. Louis, Missouri, kanë zbuluar se gratë të cilat konsumojnë të paktën një gotë verë në javë kanë mndësi më të mira të mbesin shtatzënë sesa ato të cilat nuk konsumojnë.

-Advertisement-

Kjo mund të jetë për shkak të prezencës së resveratrolit – antioksidant i cili gjendet në rrushin e kuq dhe që njëkohësisht vepron si përbërës i fuqishëm për anti-plkaje.

Autorët e këtij studimi kanë anketuar 135 gra të moshave mes 18 dhe 44 vjet, duke u kërkuar atyre të mbajnë shënime se sa alkool konsumojnë çdo muaj.

Gjatë së njëjtës periudhë, gratë u ishin nënshtruar skanimeve të rregullta të ultrazërit për të parë sa vezë të shëndetshme i kishin pasur.

Gratë të cilat kishin konsumuar pesë gota verë përgjatë një muaji kishin pasur tendenca të kenë më shumë vezë të shëndetshme, pavarësisht faktorëve tjerë si mosha dhe të ardhurat.

Megjithatë është e rëndësishme që këto zbulime të trajtohen me kujdes, sepse për këtë konstatim janë studiuar vetëm pak njerëz.

Subscribe në YouTube: GAZETA INFOKUSI