Veprimi kriminal i kasapit në Kamenicë, e merr lopën e ngordhur në përrua, e shet për mish
Autori: Gazeta inFokus 17:32 | 08 March 2018
Një ngjarje e pazakontë dhe kriminale ka ndodhur në fshatin Busavatë të Komunës së Kamenicës. Një lopë e ngordhur të cilën pronari e ka hedhur në përrua, është marrë nga një kasap, i cili mishin e saj e ka nxjerrë në shitje. Gjithçka filloi kur kasapi i kërkoi një fshatari t’ia shiste lopën e sëmurë, ndërsa pronari, sipas njoftimeve të deritashme, kishte refuzuar ta shesë kafshën e sëmurë. Policia ka arrestuar të dy personat, ndërsa me rastin po merret edhe Agjencia e Ushqimit dhe Veterinës. Express ju sjell detaje nga kjo ngjarje morbide.
Gjatë ditës së martë, A. Maliqi nga fshati Busavatë kishte zbritur në stacionin policor në Kamenicë, për ta denoncuar një bashkëvendësin e tij. Maliqi ka deklaruar në polici se një kasap nga Kamenica e ka marrë mishin e lopës së ngordhur, të cilën ky e kishte hedhur në përrua, për ta nxjerrë në shitje mishin e saj.
E gjithë ngjarja ka filluar kur në shtëpinë e pronarit të lopës kishte shkuar një kasap nga Kamenica, A. Rashiti, duke shprehur interesim për blerjen e lopës. Pronari A. Maliqi nuk ia kishte shitur me arsyetimin se lopa është e sëmurë dhe nuk bën të përdoret për konsum mishi i saj.
Lopa e A. Maliqit kishte ngordhur dy ditë pas ofertës së kasapit për ta blerë. Pronari me një traktor nga shtëpia e tij e kishte dërguar kafshën e ngordhur në një përrua.
Por, A. Maliqi u shokua kur pas dy ditësh në përroin e fshatit Busavatë i pa vetëm lëkurën dhe eshtrat e lopës. Ai thotë se lopën e ngordhur e ka marrë kasapi dhe mishin e saj e ka nxjerrë në shtije. Për këtë rast menjëherë pronari ka shkuar në stacionin policor dhe e ka paraqitur rastin.
Por edhe pse e ka denoncuar kasapin, as A. Maliqi s’ka shpëtuar lehtë pasi lopën e ka ngordhur e ka hedhur në ambient të hapur.
Policia rajonale e Gjilanit për këtë rast ka arrestuar dy persona, kasapin dhe pronarin e gjedhit. Këtë e ka konfirmuar për Express zëdhënësi i rajonit të policisë në Gjilan, Ismet Hashani. Ai thotë se të dy personat kanë kryer vepra penale.
“Dy persona janë arrestuar pasi që besohet se në bashkëpunim kanë vënë në qarkullim produkte të dyshimta. Janë ndaluar pronari i lopës dhe kasapi. Rreth këtij rasti janë ndërmarrë të gjitha masat ligjore. Është njoftuar Agjencia e Ushqimit dhe Veterinës”, ka thënë Hashani për Express.
Ai thotë se pronari i gjedhit ka kryer veprën penale të hedhjes së produkteve të dëmshme në vende joadekuate, ndërkohë që kasapi është ndaluar për veprën penale për vënien dhe qarkullimin e produkteve të dëmshme për konsum për qytetarët.
Për rastin është njoftuar edhe Agjencia e Ushqimit dhe Veterinarisë. Nga ky institucion deklarojnë se me datë 06.03.2018 rreth orës 11:30 janë njoftuar nga Policia e Komunës së Kamenicës se një fermer nga fshati Busavatë ka pasur një ngordhje të një kafshe, lloji gjedh (lopë) të cilën e ka hedhur në fushë (ambient te hapur) në dalje te fshatit Busavatë. Sipas informatës është dyshuar se kafsha e ngordhur është marrë nga një kasap i cili banon në një lagje ne Gjilan.
AUV thotë se e ka inspektuar lokacionin dhe aty janë gjetur mjete pune për therje dhe se në atë objekt kryhen therje ilegal.
“Nga informatat qe ka dhënë fermeri është inspektuar praktika veterinare e cila ka kryer shërbime mjekimi tek fermeri në kafshën qe tani është e ngordhur. Veterinari në ketë rast ka ofruar të gjitha dëshmitë mbi mjekimet dhe trajtimet qe i ka bërë kafshës njëkohësisht mbi anamnezën e kafshës për gjendjen shëndetësore dhe dyshimet. Të gjitha këto janë përfshirë në procesverbal dhe i është ofruar organeve ndjekëse Policisë dhe Prokurorisë”, thuhet në përgjigjen e AUV-së dhënë Expressit.
Nga Agjencia kompetente nuk tregojnë nëse mishi i lopës është vënë për konsum nga ana e kasapit. Andej thonë se po i presin kontrollet tjera nga organet ndjekëse.
“Ne si autoritet kemi kryer të gjitha kontrollet në bazë të informatave qe na janë ofruar. Jemi ne pritje dhe të gatshëm për kontrolle tjera nëse kërkohen nga organet ndjekëse. Inspektoret e AUV-së kanë vepruar konform procedurave standarde dhe ligjeve ne fuqi ne bazë të mandatit qe kanë. Rasti është duke u hetuar dhe për të tjera informata mund t’i kontaktoni organet ndjekëse”, thuhet në përgjigjen e Agjencisë së Veterinës dhe Ushqimit.
Ndaj të njëjtëve do të ngrihen fletëparaqitje në Gjykatë për therje ilegale.
Të tjera
-
Krasniqi viziton Ganimete Musliun pas ndërhyrjes që pati: Ke shumë miq, kolegë dhe dashamirë që mezi presin rikthimin tënd
Kryetari i PDK’së, Memli Krasniqi, ka njoftuar se bashkë me gruan e tij, Meli...
-
Një çift i moshuar kosovar arrestohet në Gjermani në prani të mbesës 8-vjeçare
Policia federale e Gjermanisë ka arrestuar një çift në aeroportin e Dortmundi...
-
Dyshohet për sülm sek*ual ndaj 16 vjeçares në Shtime, kërkohet paraburgimi i të pandehurit
Tridhjetë ditë paraburgim ka kërkuar Prokuroria Themelore në Ferizaj për Xh.I...
-
Kuvendi miratoi Projektligjin për zyrtarët publikë
Kuvendi i Kosovës ka miratuar në shqyrtim të parë Projektligjin për zyrtarët ...
-
Përfundon dëshmia e dëshmitarit të 57-të në rastin e Thaçit dhe të tjerëve
Dhomat e Specializuara të Gjykatës Speciale të Hagës bëjnë me dije sot ka për...
-
Dënohen me pesë vite burgim tre zyrtarë të Fushë Kosovës, akuzoheshin për korrupsion
Gjykata Themelore në Prishtinë ka shpallur aktgjykim dënues ndaj tre zyrtarëv...
-
Dy milionë britanikë vuajnë nga simptoma të gjata të COVID-it, tregon studimi
Dy milionë njerëz në të gjithë Anglinë dhe Skocinë ende vuajnë nga simptoma t...
-
Deputetja finlandeze takon presidenten Osmani: Kosova duhet pranuar në Këshillin e Evropës pa parakushte shtesë
Deputetja finlandeze, Tytti Tuppurainen ka takuar presidenten Vjosa Osmani. ...
-
Përfundon gjykimi i Thaçit dhe të tjerëve për këtë javë
Pas përfundimit të dëshmisë së dëshmitarit të 57-të të ZPS-së, gjykimi në çës...
-
Kurti para gjermanëve: Duam t’i bashkohemi BE-së, NATO-s dhe KiE-së
Kryeministri Albin Kurti ka përmendur qëllimin e Kosovës për integrimin euroa...
-
Rikthimi i ftohtit rrezikon të mbjellat në Evropë
Moti i ftohtë i këtyre ditëve e në disa rajone të Evropës edhe breshëri që ka...
-
Zveçan: Policia i gjen armë në shtëpi, i dyshuari dërgohet në mbajtje
Policia e Kosovës njofton se të mërkurën gjatë kontrollit në shtëpinë e një t...