Lajme

Vendoset të hapet për qarkullim ura mbi lumin Ibër

Autori: Gazeta inFokus 13:01 | 28 Prill 2023

Kryesuesi i kuvendit komunal në Mitrovicë të Veriut, Nedzat Ugljanin, njoftoi se sot është marr vendimi që të hapet për qarkullim të automjeteve dhe lëvizje të lirë.

Sipas tij, kjo erdhi me propozim të delegates Aida Doli, për çka 13 vota ishin pro, një kundër nga komuniteti serb dhe një abstenim nga komuniteti shqiptar që kërkoi të shtyhet vendimi.

“Është vendim i kuvendit komunal. Ne kemi vendosur të veprojmë sipas standardeve evropiane për lëvizje të lirë. Po e shohim nga ana pozitive këtë”.

-Advertisement-

Ugljanin po ashtu shtoi se ata si kuvend komunal e kanë kryer obligimin e tyre, ndërsa se sa është i realizueshëm në aspektin e sigurisë, do të merren organet përkatëse. Ai po ashtu shtoi se vendimi i sotëm do të shkojë në ministri të Punëve të Brendshme, dhe që i bie atyre të vazhdojnë tutje.

Ndaj vendimit për hapjen e qarkullimit të urës e cila ka rreth 20 vjet që qëndron e mbyllur, serbët kanë reflektuar negativisht, thotë kryesuesi i kuvendit komunal të Mirovicës së Veriut. “Ata s’kanë pritur që ne e kemi guximin ta bëjmë, të marrim vendime si ky që janë të rëndësishme për popullatën”, deklaroi Ugljanin për KlanKosova.tv.