Lajme

Veliu priti grumbulluesit e mjedrës (FOTO)

Autori: Gazeta inFokus 15:19 | 06 July 2017

Në prag të fillimit të sezonit të vjeljes së frutave të imëta, Kryetari  Komunës së Podujevës, Agim Veliu ka pritur në takim përfaqësuesit e pikave grumbulluese të mjedrës.

Në takimin e sotëm të kryetarit Agim Veliu, me grumbulluesit  u diskutua për përgatitjet që janë bërë në prag të fillimit të sezonit vjeljes së frutave të imta.

Me këtë rast pronarët e pikave grumbulluese e njoftuan kryetarin Veliu për përgatitjet e bëra për fillimin e sezonit dhe u shprehën të bindur se pikat grumbulluese kanë kapacitete të mjaftueshme për grumbullimin e produkteve.

-Advertisement-

Kryetari Veliu kërkoj një koordinim dhe bashkëpunim edhe më të mirë në mes të institucioneve komunale, pikave grumbulluese dhe fermerëve.

“Do të angazhohemi të gjithë për një rritje të bashkëpunimit në mes të Komunës, pikave grumbulluese dhe fermerëve, me qëllim që të kemi një mbarëvajtje të sezonit, veçmas në grumbullimin e mjedrës”, tha kryetari Veliu.

Kryetari u zotua se Komuna e Podujevës do të jetë e përkushtuar për t’u ofruar ndihmë kultivuesve  të mjedrës, duke e parë këtë si produkt strategjik për zhvillimin ekonomik të Komunës së Podujevës dhe gjenerimin e vendeve të punës.

Në takim u bisedua edhe për çmimin e mjedrës, të cilin e përcakton kërkesa dhe oferta si dhe  tregu ndërkombëtar për këtë produkt.

Komuna e Podujevës deri më tani ka ofruar mbështetje për fermerët kultivues të mjedrës me rreth 500 mijë euro.

Subscribe në YouTube: GAZETA INFOKUSI
Etiketa:
Çka po ndodh me DITËLINDJEN e Viva Fresh Store?!
-Advertisement-

Të tjera

Fokusi

lajme