Lajme

Vela pas shpërthimit: Tjetër sulm kriminal në Mitrovicën e veriut

Autori: Gazeta inFokus 11:10 | 06 May 2023

Blerim Vela, shef i kabinetit të presidentes së Kosovës, Vjosa Osmani, ka reaguar pas shpërthimit që ka ndodhur mëngjesin e sotëm në veri.

Vela përmes një postimi në Twitter, ka shkruar se ky është një sulm tjetër kriminal në Mitrovicën e veriut.

“Strukturat kriminale dhe ilegale të financuara nga Serbia po pengojnë sundimin e ligjit në veri. Ky mund të jetë një reagim ndaj aksionit të institucioneve të Kosovës për heqjen e kamerave të paligjshme të vëzhgimit të vendosura nga Serbia”, ka theksuar Vela.

Ndryshe, Policia e Kosovës ka konfirmuar shpërthimin, duke njoftuar se ka ndodhur rreth orës 03:00.

“Si pasojë është dëmtuar një veturë dhe një shtyllë elektrike. Policia është duke e trajtuar rastin si ‘shkaktim i rrezikut të përgjithshëm’”, ka deklaruar zëdhënësi i Policisë për rajonin e Mitrovicës, Veton Elshani.

Shpërthimi ka ndodhur në rrugën “Petar Kral”.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Etiketa:
Ajka e ajkave e super javës sportive në Artmotion me El Clasico

Të tjera

Fokusi

lajme