Lajme

Vecernje Novosti: Pas idesë së “Shqipërisë së Madhe” në Ballkan qëndrojnë shërbimet turke

Autori: Gazeta inFokus 09:21 | 26 April 2017

Ka dyshime se pretendimet e ribërjes së kufijve në Ballkan dhe “shpërndarjet e ideve shqiptaromëdha” vijnë nga shërbimet e inteligjencës turke, shkruani “Vecernje Novosti”.

Sipas të përditshmes së Beogradit, kërcënimet që ndaj Serbisë arritën në mënyrë të sinkronizuar nga Tirana, Prishtina dhe Presheva janë përgatitur në Ankara.

Sipas gazetës, ky informacion ka shkuar në strukturat e sigurisë serbe, dhe sipas të dhënave të tyre operative, qasja ofanzive nga strukturat e inteligjencës turke shkon nëpër Prishtinë dhe atë prej dy levave kryesore.

Kanali i parë i komunikimit dhe ndikimit arrihet përmes Agjencisë Turke për Bashkëpunim dhe Programit Koordinues në Serbi – TIKA, e cila është e fokusuar kryesisht në funksionimin e rajonit të Rashkës, por është e pranishme edhe në komunat në luginën e Preshevës.

Leva e dytë e veprimit është me takimet intensive të pjestarëve të inteligjencës turke me liderët shqiptarë në Preshevë dhe Bujanoc, por edhe në Kosovë, thotë Novosti.

Sipas gazetës serbe, të gjitha këto operacione bëhen nëpër pikat e inteligjencës turke në Prishtinë ashtu që puna e tyre subversive të qëndrojë sa më larg syve të shërbimeve serbe të sigurimit.

Sipas Novostit, ky informacion tregon aspiratën e fshehur të Turqisë që në një pjesë të territorit të Ballkanit të krijojë një bazë të fortë.

Etiketa:
Kush janë analistët e sigurisë së informacionit?

Të tjera

Fokusi

lajme