Lajme

Vdes Shqiponja Isufi, pedagoge në Universitetin e St. Gallenit

Autori: Gazeta inFokus 20:54 | 27 September 2022

Familja Isufi nga Zvicra dhe Gjilani me pikëllim të thellë njofton për vdekjen e hershme dhe të papritur të bijës së tyre, pedagoges së ekonomisë në Universitetin e St. Gallen, Zvicër.

Shqiponja Isufi, e lindur në vitin 1981, ishte shembull i një gruaje të suksesshme. Ajo në moshë të re u bë doktore e shkencave ekonomike dhe pedagoge e ekonomisë si dhe njëkohësisht drejtonte një ndërmarrje tejet të suksesshme në fushën e ekonomisë.

Shqiptarët e Zvicrës humbën njërën nga pjesëtaret më të shquara të komunitetit të tyre, shkencëtaren me të cilën mburreshin të gjithë!

-Advertisement-

Shqiponja Isufi kishte ardhur në Zvicër si vajzë 9 vjeçe nga Gjilani për t`’u bashkuar prindërve, të cilët para kësaj kishin ikur nga Kosova si të përndjekur politikë.

Shqiponja ka qenë 4 vjetët e fundit partnere në Grant Thornto, njëkohësisht drejtonte një ndërmarrje tejet të suksesshme në fushën e ekonomisë në Zvicër.

Ajo kishte punuar në selinë kryesore të KPMG në Cyrih, ndërmarrje e madhe globale për kontabilitet dhe konsulencë dhe pedagoge në Universitetin e St. Gallenit. Vetëm në Zvicër KMMG ka mbi 1800 punonjës. Aty Shqiponja bënte bilancet vjetore të koncerneve që kanë miliarda në pronësi.

Data dhe vendi i varrimit do të bëhen të ditura me kohë.

Subscribe në YouTube: GAZETA INFOKUSI
EURO 2024 dhe Serie A, dy ekskluzivitetet absolute të Artmotion këtë vit

Të tjera

Fokusi

lajme