Lajme

Vdes një zyrtar i burgut të Dubravës

Autori: Gazeta inFokus 10:12 | 21 April 2022

Shërbimi Korrektues i Kosovës ka njoftuar se ka vdekur zyrtari korrektues në burgun e Dubravës, Brahim Mehaj.

Shërbimi Korrektues i Kosovës përmes një postimi në rrjetin social “Facebook” e ka shpërndarë telegramin e ngushëllimit të Ministres së Drejtësisë, Albulena Haxhiut, drejtuar familjes Mehaj.

“Me pikëllim të thellë morëm lajmin për ndarjen nga jeta të më të dashurit tuaj, e bashkëpunëtorit tonë, z. Brahim Mehaj. Z. Mehaj dha një kontribut të madh në Shërbimin Korrektues të Kosovës, prandaj humbja e tij është humbje e madhe edhe për SHKK-në. Përkushtimi në punë, në secilën detyrë që i është besuar dhe dashuria për profesionin, bëjnë që z. Mehaj të mbetet në kujtesën e gjeneratave të tëra të SHKK-së, të miqve dhe kolegëve”, thuhet në telegram.

-Advertisement-

Subscribe në YouTube: GAZETA INFOKUSI