Lajme

Vde*ja e katër burrave në lokacione të ndryshme në Prishtinë, Prokuroria: Në koordinim me Policinë po ndërmarrim veprime për ndriçimin e rrethanave

Autori: Gazeta inFokus 12:43 | 21 Qershor 2024

Policia e Kosovës sot ka bërë të ditur se të enjten katër burra në lokacione të ndryshme në Prishtinë janë gjetur të vdekur.

Megjithëse nuk janë dhënë detaje, në raport thuhet se hetimet për vdekjen e katër viktimave janë duke u bërë nga njësitë përkatëse policore.

Nga Policia e Kosovës i thanë Telegrafit se trupat e pajetë janë gjetur në lokacione të ndryshme.

-Advertisement-

E lidhur me vdekjen e katër personave në Prishtinë, gazeta ka kontaktuar edhe Prokurorinë Themelore në Prishtinë.

Laureta Ulaj, zëdhënëse e Prokurorisë tha se trupat e pajetë të katër personave janë dërguar për obduksion.

“Lidhur me pyetjet e juaja, ju njoftojmë se me urdhër të prokurorit kujdestar, trupat e pajetë janë dërguar në IML për t’iu nënshtruar obduksionit, derisa rastet janë iniciuar si ‘hetim mbi vdekje’”, tha ajo.

Ulaj më tej shtoi se Prokuroria në koordinim me policinë është duke ndërmarrë veprime hetimore me qëllim të ndriçimit të rrethanave të këtyre vdekjeve në 24 orëshin e fundit, të cilat bien në kompetencë territoriale të Prokurorisë Themelore në Prishtinë.

“Lidhur me detajet e këtyre rasteve, në këtë fazë nuk mund t’i ndajmë me ju, për shkak se mbesim në pritje të raporteve të autopsisë dhe të rezultateve nga hetimi, të cilat do të ndihmojnë në sqarimin e plotë të tyre”, tha tutje Ulaj.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy