Fokus

“VAZHDON SKANDALI ME TERAPINË E KANCERIT” – QKUK pranon: S’ka kontratë për Avastin, nuk dihet kur rikthehet furnizimi

Autori: Gazeta inFokus 20:56 | 10 Tetor 2026

Hulumtimi i Gazetës Infokus për mungesën e terapisë për pacientët me kancer ka nxjerrë detaje të reja. QKUK-ja ka konfirmuar zyrtarisht se aktualisht nuk ka kontratë valide për Bevacizumab (Avastin), ndërsa nuk dihet se kur do të rikthehet furnizimi i rregullt.

Sipas përgjigjes që QKUK-ja i ka dërguar Infokusit, mungesa e kontratës është pasojë e procedurave të papërfunduara me operatorët ekonomikë, duke bërë që furnizimi i rregullt me këtë bar aktualisht të mos jetë i mundur.

“Për momentin nuk mund të konfirmohet një datë e saktë për rikthimin e furnizimit të rregullt, pasi kjo varet nga përfundimi i procedurave përkatëse dhe sigurimi i kontratës valide”, thuhet në përgjigjen e QKUK-së.

-Advertisement-

Institucioni ka konfirmuar gjithashtu se aktualisht janë rreth 35 pacientë që trajtohen me skema terapeutike në të cilat Bevacizumab-i indikohet si terapi shtesë. Sipas QKUK-së, në mungesë të këtij bari, kimioterapia bazë vazhdon sipas vlerësimit të mjekut dhe gjendjes klinike të pacientit.

Ndërkohë, gjatë hulumtimit në terren, një paciente i ka treguar Infokusit se, pasi terapia mungonte në spital, i ishte thënë ta kërkonte në barnatore. Ajo kishte menduar se kushtonte rreth 60-70 euro, por, sipas saj, kishte mësuar se çmimi mund të shkonte deri në 600 euro.

Për fazën në të cilën ndodhet procedura e prokurimit, QKUK-ja e ka drejtuar Infokusin te Barnatorja Qendrore dhe strukturat përgjegjëse për prokurim.

Infokusi do të vazhdojë hulumtimin për të zbuluar kur ka përfunduar kontrata e fundit, ku ka ngecur procedura e re dhe pse nuk është siguruar me kohë kontrata për furnizimin me këtë terapi.

 

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy