Lajme

Vazhdon mungesa e barnave

Autori: Gazeta inFokus 21:19 | 07 February 2023

Blerjet e barnave të listës esenciale në barnatoret private pranë QKUK-së janë të shpeshta.

Me recetat e përshkruara nga mjekët e QKUK-së, familjarët e pacientëve orientohen te barnatoret private që t’i blejnë barnat të cilat institucionet shëndetësore nuk arrijnë t’i sigurojnë.

Madje, mjekët në Klinikën e Pediatrisë, në mungesë të materialit shpenzues, detyrohen t’i ndajnë në gjysmë shpatullat për kontrolle të fytit.

-Advertisement-

Nga mungesat e medikamenteve elementare, nuk kursehen as pacientët e hospitalizuar.

Por, më të kushtueshmet janë barnat për sëmundjet malinje.

Në një përgjigje me shkrim, zyrtarë nga barnatorja qendrore thonë se vazhdimisht i furnizojnë klinikat në baza tremujore, por nuk japin detaje se cila prej tyre ka më shumë kërkesa dhe deri në çfarë mase përmbushen kërkesat.

Për vitin 2023, për Shërbimin Spitalor Klinik Universitar janë ndarë 139 milionë euro, 36 milionë prej tyre për barna dhe material shpenzues, 6 milionë më shumë se vitin e kaluar. /rtk

Subscribe në YouTube: GAZETA INFOKUSI
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…
-Advertisement-

Të tjera

Fokusi

lajme