Lajme

Vazhdojnë reagimet nga PDK për stadiumin: Do të ketë protesta kundër vendimit të VV-së e LDK-së

Autori: Gazeta inFokus 18:01 | 20 November 2019

Zyrtari i PDK-së, Bekim Haxhiu Kamishi ka reaguar pas debatit se ku duhet të ndërtohet stadiumi kombëtar i Kosovës, raporton Gazeta Express.

Haxhiu përmes Facebook-ut ka thënë se përpjekja e LDK-së dhe VV-së për të zhvendosur lokacionin e stadiumit kombëtar është shpërfaqje e mospajtimeve që kanë mes vete.

Haxhiu i ka quajtur jugonostalgjike përpjekjet e LDK-së dhe VV-së për të izoluar Drenicën.

-Advertisement-

“Nxitja e debateve për këtë cështje vë në pah shpërfaqjen e jugo-nostaligjekëve që ende pa e marrë pushtetin, pa i ndarë detyrat e prioritetet që ua kanë premtuar qytetarëve, u sulën në aksion për diferencim të çdo gjëje drenicase dhe izlouese ndaj Drenicës”, ka shkruar Haxhiu.

Zyrtari i PDK-së ka thënë se tendenca për zhvendosjen e ndërtimit të stadiumit kombëtar të Kosovës do të shkaktojë protesta kundër vendimit të VV-së dhe LDK-së.

“Tentativa me zhvendos Stadiumin Nacional do të shkaktoj protesta te qytetarët dhe për pasojë do të ketë prolongim të projektit. Ky ndoshta është edhe qëllimi I tyre”, ka shkruar Haxhiu në Facebook.

Subscribe në YouTube: GAZETA INFOKUSI

Të tjera

Fokusi

lajme