Lajme

Varianti Mu i Covid-19 mbërrin edhe në Greqi, konfirmohen rastet e para

Autori: Gazeta inFokus 19:04 | 03 September 2021

Autoritetet shëndetësore greke njoftuan se të paktën 6 raste të variantit të ri të koronavirusit “Mu” u zbuluan në vend.

Sipas Organizatës Kombëtare të Shëndetit Publik (EODY), rastet u zbuluan në aeroportin ndërkombëtar të Athinës dhe rajonet e Argolis, Attica dhe Achaia.

Megjithëse varianti Delta është dominues në Greqi, zbulimi i rasteve të Mu është një prirje shqetësuese.

OBSH tha të mërkurën se po monitoron Mu, i cili u identifikua për herë të parë në Kolumbi në janar të vitit 2021.

OBSH shtoi se varianti ka mutacione që tregojnë një rrezik të rezistencës ndaj vaksinave dhe theksoi se duheshin studime të mëtejshme për ta kuptuar më mirë atë.

Edhe pse prevalenca globale e variantit Mu ka rënë dhe aktualisht është nën 0.1%, prevalenca në Kolumbi (39%) dhe Ekuador (13%) është rritur vazhdimisht.

Të tjera