Varhelyi shpreson për rezultat rreth vizave deri në fund të vitit
Autori: Gazeta inFokus 16:14 | 13 October 2022
Komisioni Europian, një ditë më parë, i konsideroi të përmbushura të gjitha kriteret që qytetarëve të Kosovës, t’u hiqen vizat për të hyrë në vendet europiane. Oliver Varhelyi, komisioneri përgjegjës për politikën e fqinjësisë dhe zgjerimit të BE-së, një ditë më pas, deklaroi në një intervistë ekskluzive për ABC, se shpreson që kjo të ndodh deri në fund të këtij viti.
“Nuk ka asgjë që vjen thjesht nga besimi. Besimi ynë vjen vetëm bazuar në punën që është bërë. Nga ana jonë, ne po bëjmë çmos që kjo të kryhet. Shoh gjithashtu një angazhim shumë më të madh nga qeveria e Kosovës. Dhe besoj, që kjo do të sjellë rezultat në fund të vitit”, tha ai.
Sa i përket Shqipërisë, Varheli u shpreh se vendi ka bërë progres, në përmbushjen e kritereve për integirmin europian, pas hapjes së negociatave më 19 korrik të këtij viti. Megjithatë, e theksoi se situata politike është gjithmonë e ndjeshme në vendin tonë dhe përcolli një mesazh për këtë: që dy palët të punojnë së bashku.
“Përsa kohë që unë kam ndjekur situatën politike në Shqipëri, ajo është vazhdimisht e ndjeshme. Kriter kyç për ne është të ketë marrëveshje midis forcave politike për reformat madhore të domosdoshme në vend për anëtarësimin në BE dhe dakordësi në gjirin e klasës politike për këtë qëllim. Në Shqipëri, integrimi europian nuk është venë kurrë në dyshim dhe vijimi me reformat në Kuvendin e Shqipërisë dhe nga qeveria shqiptare ka qenë i qëndrueshëm. Shpresoj, që vendi mund të vazhdojë në këtë rrugë”.
Ndërsa Shqipëria është në proces përafrimi të legjislacionit me atë të BE-së, Varhely theksoi se integrimi me të drejta të plota do të ndodh atëherë kur vendi do e meritojë një gjë të tillë; pra do të ketë përmbushur të gjitha kriteret.
“Subjekti është i njëjtë: si dhe kur këto vende mund të zbatojnë legjislacionin e Bashkimit Europian, për çfarë investimesh ato do të kenë nevojë që kjo të realizohet dhe kur do të përafrohen totalisht me rregullat dhe vlerat e Bashkimit Europian. Pra, nuk shoh diferencë midis tyre. Prandaj, procesi është i bazuar në meritë. Kryqëzoj gishtat për Shqipërinë që vendi të ecë përpara. E shoh impaktin pozitiv të hapjes së negociatave në vend dhe shpresoj, që vendi të ecë edhe më shpejt drejt BE-së”
Sulmi rus në Ukrainë ka vënë disa prioritet të tjera në plan të parë në raportin midis BE-së dhe Ballkanit Perëndimor. Pikërisht me 3 nëntor, komisioneri Varhely do të prezantojë një propozim i Komisionit Euuropian për furnizimin me energji të Ballkanit Perëndimor.
“Ne po kontaktojmë partnerët tanë në Ballkan për të mësuar se cilat janë sfidat kryesore, që ata hasin në fushën energjetike. Në bazë të kësaj, ne do bëjmë propozimin tonë lidhur me energjinë e rinovueshme, efikasitetin energjetik, furnizimin me gaz apo me energji nga vende të reja furnizuese. Ne shpresojmë, që në bazë të angazhimit tonë me Egjiptin, të mund të sjellim energji të gjelbër nga Egjipti drejt vendeve të Ballkanit Perëndimor sa më shpejt të jetë e mundur. Kemi edhe shumë ide të tjera. Kështu që ju ftoj të prisni 3 nëntorin”. /abcnews.al/
Të tjera
-
Administrata Biden i ka dërguar Kongresit raportin mbi strategjinë për luftën në Ukrainë
Administrata e Presidentit Joe Biden i ka dërguar Kongresit një raport të kla...
-
Vlerësimi për performancën e Kuvendit gjatë sesionit pranveror, shpaloset sot
Raporti për vlerësimin mbi performancën e Kuvendit të Kosovës, gjatë sesionit...
-
Paralajmërimi për vërshime, ekipet emergjente në Prishtinë janë në gatishmëri
Komuna e Prishtinës ka bërë të gjitha përgatitjet pas paralajmërimeve nga Ins...
-
“Karantina gjatë pandemisë së COVID-19 mund të ketë plakur para kohe trurin e adoleshentëve”
Një studim nga Universiteti i Uashingtonit ka zbuluar se pandemia COVID-19 mu...
-
Publikohet analiza për regjistrim të popullsisë dhe ndikimi në komuna
Instituti Kosovar për Qeverisje Lokale (KLGI), mban konferencën në të cilin d...
-
Moti sot kryesisht i vranët dhe me shi
Instituti Hidrometeorologjik i Kosovës, njofton se sot mban mot kryesisht i v...
-
Lajçak takon Vuçiqin sot në Beograd
Sot, presidenti i Serbisë, Aleksandër Vuçiq, do të takohet me përfaqësuesin s...
-
Moti për nesër: Reshje të dendura shiu, mund të shkaktojnë probleme apo përmbytje
Nesër në Kosovë pritet të kemi mot plotësisht të vranët dhe me rrebeshe e res...
-
Apple prezanton serinë e re të smartfonëve
Firma globale e teknologjisë me bazë në SHBA, Apple, prezantoi sot serinë e s...
-
Ish-deputeti i Vetëndosjes: Me Kurtin mbaron tranzicioni politik, e votuan veç me i çu tjerët n’shpi
Ish-deputeti i Lëvizjes Vetëvendosje, Fatmir Humolli, tha në Pressing në T7 s...
-
Gashi: Qeveria Kurti me afera të jashtëzakonshme korruptive
Shefi i grupi parlamentar të Lidhjes Demokratike të Kosovës Arben Gashi ka pa...
-
Debati i nesërm Harris-Trump, dhjetëra miliona amerikanë pritet ta ndjekin
Debati mes Nënpresidentes demokrate Kamala Harris dhe ish-Presidentit republi...