Lajme

Valdete Daka tregon se sa persona dolën të votojnë deri në ora 11:00

Autori: Gazeta inFokus 12:09 | 19 May 2019

Kryetarja e Komisionit Qendror të Zgjedhjeve, Valdete Daka, ka njoftuar se në 44 qendrat e votimit në katër komunat e veriut të Mitrovicës, procesi zgjedhor është duke vijuar pa asnjë problem.

Daka në një konferencë për media ka thënë se deri në orën 11:00 të drejtën e e votës e kanë shfrytëzuar mbi 9 mijë qytetarë, nga 57 mijë sa kanë të drejtë vote.

“Deri në orën 11:00, të drejtën e tyre për të votuar  e kanë shfrytëzuar 9 mijë e 361 qytetarë me të drejtë vote, nga 57 mijë e 983 sa është numri i përgjithshëm në këto katër komuna. Në zgjedhjet lokale të 22 tetorit të vitit 2017 deri në të njëjtën kohë kishin votuar 8483 votues apo 14,88për qind. Sipas komunave, iu njoftoj se deri në orën 11:00 në Leposaviq  kanë votuar 3262 qytetarë apo 17,96 përqind, në Zubin Potok kanë votuar 1174 qytetarë, apo 13,76 përqind, në Zveqan 1488 votues apo 16,12 përqind dhe në Mitrovicën e Veriut 3437 votues, apo 15,58 përqind”, tha Daka.

-Advertisement-

Në zgjedhjet e jashtëzakonshme për kryetarë në komunat Leposaviq, Zubin Potok, Zveçan dhe Mitrovicë e Veriut, janë 44 qendra të votimit me gjithsej 87 vendvotime. Kurse, numri i qytetarëve me të drejtë vote në këto katër komuna është 57 mijë e 983 votues apo 970 votues më shumë në krahasim me zgjedhjet lokale të 22 tetorit 2017.

Subscribe në YouTube: GAZETA INFOKUSI

Të tjera

Fokusi

lajme