Lajme

Valdete Daka i drejtohet Avokatit të Popullit për ta dërguar Vjosa Osmanin në Kushtetuese

Autori: Gazeta inFokus 10:25 | 27 October 2021

Pas më shumë së katër muaj që është shkarkuar nga presidentja Vjosa Osmani, ish kryetarja e Komisionit Qendror të Zgjedhjeve, Valdete Daka ka vendosur që t’i drejtohet Avokatit të Popullit.

Ajo do të kërkojë nga Avokati i Popullit që t’i drejtohet Gjykatës Kushtetuese lidhur me interpretimin se a është i ligjshëm shkarkimi i saj në qershorin e këtij viti, shkruan Gazeta Infokus.

“Sa i përket asaj se në ndonjë mënyrë kërcënova presidenten, përkundrazi nuk jam duke e kërcënuar, por jam duke ushtruar të drejtën time ligjore. Unë gjatë ditës së nesërme do ta dërgoj një kërkesë te Avokati i Popullit, sepse Kushtetuta nuk ma lejon mundësinë që unë drejtpërdrejt t’i drejtohem Gjykatës Kushtetuese me kërkesë po këtë mund ta bëjë Avokati i Popullit në emrin tim. Nuk është në pyetje rasti i Valdete Dakës, por është në pyetje një institucion i pavarur dhe që një herë e përgjithmonë të zgjidhet dilema nëse ka të drejtë presidenti/ja që në mënyrë arbitrare të shkarkojë kryesuesin e një organi të pavarur”, deklaroi Daka në Klan Kosova.

-Advertisement-

Gjithashtu vendimi për shkarkimin e Dakës u kritikua edhe në raportin e Bashkimit Evropian për Kosovës mbi procesin zgjedhor të mbajtur me 17 tetor 2021 .

Ky vendim sipas misionit të BE-së nuk mund të mbështetet në mënyrë adekuate as me arsyetimin e vendimit as nga bazat e lëshuara nga Ligji për Zgjedhjet e Përgjithshme.

“Vendimi i Presidentes së Kosovës për të shkarkuar ish kryesueses e KQZ-së së Valdete Daka me 14 qershor katër vjet para skadimit të mandatit të saj të dytë dhe vetëm një ditë para shpalljes së zgjedhjeve lokale, nuk mund të mbështetet në mënyrë adekuate as me arsyetimin e vendimit as nga bazat e shënuara të Ligjit për Zgjedhje të Përgjithshme“, thuhet ndër të tjera në raporton e vëzhguesve të BE./Gazeta Infokus/

Subscribe në YouTube: GAZETA INFOKUSI