Lajme

Vala e të nxehtit, merret vendim që të kufizohet orari i punës për këto 3 kategori nga 13 deri më 20 korrik

Autori: Gazeta inFokus 16:57 | 12 July 2024

Për shkak të temperaturave të larta që kanë përfshirë Kosovën, Ministria e Shëndetësisë ka marrë vendim për kufizimin e orarit të punës nga data 13 korrik deri më 20 korrik 2024.

Gratë shtatzëna lirohen nga puna përgjatë kësaj periudhe kohore, derisa në pamundësisë të lirimit nga puna sipas paragrafit 1 të vendimit, gratë shtatzëna punojnë nga shtëpitë.

Qytetarët me sëmundje kronike përgjatë datave të caktuara nga ministria, punojnë me orar të shkurtuar deri në 4 orë në ditë.

-Advertisement-

Nga data 13 korrik deri më datën 20 korrik, ndalohet puna në sektorin e ndërtimtarisë në ambiente të hapura përgjatë orarit 11:00 deri në 17:00 në të gjithë territorin e Republikës së Kosovës.

“Varësisht prej temperaturave që mbizotërojnë gjatë muajit korrik dhe gusht 2024, ndërmerren masa të tjera”, thuhet në njoftim.

Subscribe në YouTube: GAZETA INFOKUSI
Etiketa:
Comodita po tërheq klientë seriozë në Panarin IMM, në Këln të Gjermanisë
-Advertisement-

Të tjera

Fokusi

lajme