Lajme

Vajzës i hidhet bomba në banesë, ishte kërcënuar më parë se “do ta digjnin” (PAMJE)

Autori: Gazeta inFokus 20:36 | 02 September 2023

Nga dritarja e ballkonit dikush e hodhi një bombë për të bërë shkrumb e hi një banesë në rrugën ‘Lekë Dukagjini’ në lagjen ‘Dardania’ të Prishtinës.

Për fat të mirë, askush nuk u lëndua, meqë brenda saj nuk kishte njeri, raporton Klan Kosova.

Krismën e eksplozivit që u hodh në pikë të mëngjesit e dëgjuan banorët e atij blloku, që thanë se nga tymi e kishin të pamundur të dilnin jashtë objektit, derisa të tjerët i lëshuan banesat e tyre derisa zjarrfikësit e shuan zjarrin.

-Advertisement-

Siç merr vesh Klani, aty banonte një vajzë, të cilën edhe më herët e kishin kërcënuar.

Së fundmi në korridorin e banesës ku rrinte me qira, ajo ishte paralajmëruar përmes grafiteve se do t’a digjnin.

Ndërkohë, nga policia thanë se kanë nisur veprimet hetimore derisa rastin e cilësuan si zjarrvënie.

Subscribe në YouTube: GAZETA INFOKUSI
Etiketa:
Kryetari Përparim Rama pjesë e ‘Mayor’s Talk’
-Advertisement-

Të tjera

Fokusi

lajme