Lajme

Vajza e Ismail Kadaresë merr postin e rëndësishëm në OKB

Autori: Gazeta inFokus 10:30 | 01 July 2020

Vajza e shkrimtarit të shquar, Ismail Kadare, Besiana, është zgjedhur zv.presidente për Sesionin e 75-të të Asamblesë së Përgjithshme në Organizatën e Kombeve të Bashkuara.

Lajmin e ka bërë të ditur vetë Ambasadorja e Shqipërisë në OKB. Në profilin e saj në “Facebook”, Besiana shkruan se ndihet krenare dhe se e ka për nder të veçantë që të shërbejë si Zv/Presidente e këtij sesioni historik.

“Jam krenare të njoftoj se Shqipëria është zgjedhur Zëvendës Presidente e sesionit 75 të Asamblesë së Përgjithshme të Kombeve të Bashkuara!

-Advertisement-

Është një nder i veçantë të shërbejë si Zv/Presidente e këtij sesioni historik dhe mezi pres të punoj me Ambasadorin Volkan Bozkir, Presidentin e sapozgjedhur të Asamblesë së Përgjithshme nga Turqia.

Ky është një privilegj i madh dhe përgjegjësi e jashtëzakonshme për t’i shërbyer vendit tim në këtë post të rëndësishëm, me një vëmendje të madhe në arenën ndërkombëtare.

Secili grup rajonal në OKB përfaqësohet me një Zëvendës President në Asamblenë e Përgjithshme. Shqipëria do të përfaqësojë Grupin e Evropës Lindore (anëtarët e EEG, përfshijnë Ballkanin, Evropën Lindore, Rusinë, Ukrainën, Bjellorusinë, Azerbajxhanin, Armeninë etj”, shkruan Besiana Kadare në postimin e saj.

Subscribe në YouTube: GAZETA INFOKUSI
Etiketa:

Të tjera

Fokusi

lajme