Lajme

Vajza e Afrim Bunjakut: Ishe dhe do të mbetesh krenaria e shtetit

Autori: Gazeta inFokus 16:49 | 24 Shtator 2024

Arbenita, vajza e Afrim Bunjakut, ka thënë se për familjen e tyre, asgjë nuk e zë vendin e babait të saj, i cili ra më 24 shtator derisa ishte në krye të detyrës në Banjskë të Zveçanit.

Në Akademinë përkujtimore për nder të heroit, Afrim Bunjakut, ajo ka thënë se për familjen e saj, amanet është përkushtimi dhe dashuria për atdhe.

“Është e vështirë t’i imagjinosh ëndrrat e fëmijës kur i mungon krahu më i fortë që është babai e vështirë të vazhdohet jeta pa praninë e tij. Krenaria që kemi për babanë na bënë të vazhdojmë për para/Duke kujtuar që u bë hero për vendin tonë ku dashuria dhe përkushtimi për atdheun janë amanet për ne. Një vit pa ty babi, mungesë që asgjë nuk e mbush boshllëkun që ke lënë brenda nesh, ishte dhe do të mbetesh krenaria e familjes dhe shtetit tonë”, ka thënë Arbenita.

-Advertisement-

Më 24 shtator 2023, një grup i uniformuar i serbëve ka kryer sulm terrorist në fshatin Banjskë të Zveçanit.

Në pritë ishte vrarë fillimisht polici-rreshter, Afrim Bunjaku. E në aksionin pasues të Policisë së Kosovës, grupi u grumbullua në Manastir. Në luftime u vranë tre sulmues e pjesa tjetër e grupit iku.

Në këtë ditë, ambasadori i Shteteve të Bashkuara të Amerikës në Kosovë, Jeffrey Hovenier, ka bërë thirrje të mbahen plotësisht përgjegjës autorës e sulmit terrorist në Banjskë të Zveçanit një vit më parë.

Thirrje që të dënohen përgjegjësit e këtij sulmi kanë bërë edhe Bashkimi Evropian.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy