Lajme

Ushtruan dhunë në familje, arrestohen dy persona në Ferizaj

Autori: Gazeta inFokus 17:35 | 02 January 2022

Dy persona janë arrestuar në Ferizaj, pasi që dyshohet se kanë sulmuar fizikisht bashkëshortet e tyre, shkruan Gazeta Infokus.

Policia ka bërë të ditur se njëri rast ka ndodhur mbrëmë, kurse tjetri sot në orët e hershme të mëngjesit.

I dyshuari me inicialet P.SH., 31 vjeçar është shoqëruar në stacionin policor, ndërkaq bashkëshortja tij ka pranuar tretman mjekësor.

-Advertisement-

“I dyshuari është shoqëruar në stacionin policor në Ferizaj dhe pas intervistimit nga Sektori Rajonal i Dhunës në Familje, me vendim të Prokurorit të Prokurorisë Themelore në Ferizaj i njëjti është dërguar në mbajtje për 48 orë, për procedura të mëtejme hetimore”, thuhet në njoftimin e policisë.

Në rastin e sotëm policia ka arrestuar personin me inicialet A.H 70 vjeçar i cili kishte ushtruar dhunë fizike ndaj bashkëshortes dhe djalit të tij.

Policia ka njoftuar se viktimave u është ofruar tretman mjekësor.

“Policia i ka marr veprimet e nevojshme dhe menjëherë ka dalë në vendin e ngjarjes dhe ka arrestuar personin e dyshuar me inicialet A.H (M/K) 70 vjeçar, i cili pas një mosmarrëveshje kishte ushtruar dhunë fizike ndaj bashkëshortes dhe djalit të tij, duke ju shkaktuar lëndime trupore, ku dhe kishin pranuar tretman mjekësorë”, njofton policia.

Më tej, në njoftim thuhet se, i dyshuari është shoqëruar në stacionin policor në Ferizaj dhe pas intervistimit nga policia, me vendim të Prokurorit të Prokurorisë Themelore në Ferizaj, i njëjti është dërguar në mbajtje për 48 orë, për procedura të mëtejme hetimore. /Gazeta Infokus/

Subscribe në YouTube: GAZETA INFOKUSI
Etiketa:

Të tjera

Fokusi

lajme