Lajme

Ushtri me 8 mijë ushtarë

Autori: Gazeta inFokus 13:31 | 14 December 2018

Komandanti i Forcës së Sigurisë së Kosovës, Rrahman Rama, ka deklaruar Forca e Sigurisë në të ardhmen do t’i ketë 5 mijë ushtarë aktivë, 3 mijë rezervë.

Zëri: Sa anëtarë i ka aktualisht FSK-ja dhe sa ushtarë pritet t’i ketë ushtria?

Rama: FSK-ja aktualisht i ka 2500 ushtarë aktivë dhe 800 rezervë. Në të ardhmen, duke u bazuar në krejt ato analiza që i përmenda, Forca e Sigurisë do t’i ketë 5 mijë aktivë, 3 mijë rezervë.

-Advertisement-

Zëri: A janë të mjaftueshëm?

Rama: Mbi bazën e të gjitha ekspertizave që i kemi bërë qe gjashtë vjet momentalisht janë të mjaftueshëm. Tash varet prej rreziqeve që mund të vijnë në të ardhmen, të cilat ne nuk mund t’i parashikojmë tash dhe të themi se do ta kemi këtë rrezik në vitin 2020, mirëpo fillimi është shumë me rëndësi kur fillon mbi bazën e të gjitha analizave.

Zëri: Dihet që në veri të Kosovës është një situatë pak më ndryshe. A do të ketë mandat ushtria e Kosovës që të dalë në veri të vendit?

Rama: Ushtria e Kosovës ose Forca e Sigurisë e Kosovës është në shërbim të gjithë qytetarëve dhe do të shërbejë në gjithë territorin e Republikës së Kosovës. Më e lehta është për mua që të përgjigjem në këtë pyetje sepse unë nuk jam politikan, unë zbatoj urdhra, unë jam nën kontrollin civil demokratik dhe çdo vendim, çdo urdhër që vjen nga lart jam i thirrur t’i zbatoj.

Zëri: Do të thotë do të funksionojë edhe në veri të vendit?

Rama: Normalisht.

Zëri: Sa pjesëtarë të komuniteteve joshumicë aktualisht janë pjesë e Forcës dhe a kanë mbetur prej tyre pjesëtarë të komunitetit serb?

Rama: Po, po, aktualisht ne kemi mbi 10 për qind të komuniteteve. Do të thotë në FSK kemi një numër edhe të komunitetit serb.

Subscribe në YouTube: GAZETA INFOKUSI

Të tjera

Fokusi

lajme