Ushtari ukrainas: Çfarë do të thotë të jesh rob lufte në duart e rusëve
![](https://gazetainfokus.com/wp-content/uploads/2023/06/668-1-600x3601-1.png)
Autori: Gazeta inFokus
19:43 | 25 June 2023
Kur njerëzit mësojnë se si forcat ruse i trajtojnë të burgosurit ukrainas të luftës, ata tronditen, thotë Arseniy Fedosiuk, anëtar i brigadës ukrainase “Azov” dhe ish i burgosur lufte. Aktualisht, ai dhe gruaja e tij ndodhen në Shtetet e Bashkuara. Në materialin në vazhdim, ai tregon për shërbimin ukrainas të Zërit të Amerikës lidhur me ato që përjetoi ai dhe ukrainasit e tjerë në duart e forcave ruse pasi u zunë robër lufte.
Më 11 qershor, Ukraina dhe Rusia shkëmbyen rreth 200 të burgosur, përfshirë ushtarë ukrainas që luftuan në fabrikën e çelikut Azovstal në Mariupol.
Arseniy Fedosiuk luftoi në uzinën Azovstal, u kap rob nga forcat ruse në maj të vitit 2022 dhe u lirua shtatë muaj më pas.
“Njerëzit tronditen kur u tregoj se si dukeshin luftëtarët tanë pasi u liruan nga rusët”.
Aktualisht, ai dhe gruaja e tij Yulia Fedosiuk ndodhen në Shtetet e Bashkuara dhe po ngrenë zërin mbi trajtimin brutal të ukrainasve të zënë rob nga forcat ruse.
“Ndjenja e mungesës së shpresës, duke e ditur se nuk mund t’i shpëtojmë, dhe nuk mund të bëj asgjë. Kishim shpresa të mëdha për evakuim, për ekstradim në një vend të tretë”.
Pasi u zunë rob, Fedosiuk dhe luftëtarët e tjerë u dërguan në një burg jashtë fshatit Olenivka në rajonin e Donetsk-ut, ku ai thotë se u morën në pyetje dhe u torturuan. Në korrik të vitit 2022, një zjarr në burg u mori jetën më shumë se 50 njerëzve.
Ukrainasja Yulia Fedosiuk tregon për Zërin e Amerikë se ajo u përpoq me dëshpërim që të mësonte për fatin e burrit të saj.
“Nuk kishte asnjë mënyrë për të komunikuar me ta. E vetmja gjë që kishim ishte një video e kufomave të djegura. Disa gra i njohën të dashurit e tyre mes të vdekurve”.
“Në bazë të listës, të gjithë ata që ishin nga brigada Azov i vendosën në pjesën industriale të burgut. Tre ditë më pas, ata realizuan një shpërthim gjatë natës, ndërsa të burgosurit flinin. Si rezultat i shpërthimit mbi 50 njerëz humbën jetën dhe pjesa tjetër u plagosën”, tregon Arseniy Fedosiuk, ish i burgosur lufte.
Ata që mbijetuan, përfshirë zotin Fedosiuk, u dërguan në burgje të tjera.
“Gjatë ditës nuk na lejohej të shtriheshim apo të uleshim në shtrat. Ushqimi, afro 600 kalori në ditë, ishte i mjaftueshëm vetëm sa për të mbajtur frymën gjallë”.
Përfundimisht, ai u kthye në Ukrainë në fund të dhjetorit të vitit 2022 dhe u shtrua në spitalin Sumy.
“Nga pamja e jashtme ai duket i shëndetshëm. Por ai ka probleme me stomakun, shpinën dhe këmbët”, tregon bashkëshortja e tij.
Pasi të mbarojë trajtimet mjekësore dhe të shërohet, zoti Fedosiuk ka në plan të kthehet në vijën e parë të frontit. Aktualisht, çifti ndodhet në Shtetet e Bashkuara në përpjekje për të tërhequr vëmendjen ndërkombëtare lidhur me mënyrën se si Rusia i trajton të burgosurit ukrainas të luftës. Rusia mban si robër lufte rreth 700 ukrainas nga batalioni Azov që luftuan për mbrojtjen e Mariupol-it./VOA
![](https://gazetainfokus.com/wp-content/uploads/2024/02/IMG_4130-600x360-1.jpeg)
Të tjera
-
Dy qytetarë sulmohen nga qentë endacakë në oborrin e QKUK-së në Prishtinë
Dy persona janë sulmuar nga qentë endacakë në Qendrën Klinike Universitare të...
-
Ulja e dënimit për Salih Mustafën, avokati thotë se ka bazë që të zvogëlohet edhe më tutje
Avokati Xhevdet Smakiqi ka folur në lidhje me vendimin për uljen e dënimit të...
-
“E kam lut me u ndal”, pronari i hotelit ku kishte ndodhur vrạsja në Dragodan rrëfen për ngjarjen
Dëshmitari Vegim Imeri, pronar i hotelit ku kishte ndodhur vrasja në 2023-ën ...
-
Daut Haradinaj: AAK-ja bën gabim nëse bën koalicion me Vetëvendosjen
Zyrtari i Aleancës për Ardhmërinë e Kosovës (AAK), Daut Haradinaj, ka shprehu...
-
Ndërron jetë kirurgu Dalip Limani, ShSKUK del me një njoftim
Shërbimi Spitalor dhe Klinik Universitar i Kosovës, ka njoftuar se ka vdekur ...
-
Tahiri: Tash kur dështoi ta hap Urën, Kurti po thotë se “po presim KFOR-in dhe shtetet e QUINT-it”
Ish-kryenegociatorja e Kosovës për bisedimet me Serbinë, Edita Tahiri, ka rea...
-
Ky është “sheiku” arab që po raportohet se u arrestua në Prishtinë
Njësiti Fast Kosova i Policisë së Kosovës, sot pas një pune intensive në terr...
-
Detaje nga vrạsja e dyfishtë në Fier, viktimat xhaxha dhe nip mes vete
Një konflikt mes djalit të autorit, Altin Kukës dhe dhe dy viktimave, që mëso...
-
“Policia ishte korrekte, nuk pati dhunë” – Politikani serb që u arrestua sot në veri flet pas lirimit
Nënkryetari i partisë së serbëve të Kosovës, “Demokracia Serbe”, Ivan Orllovi...
-
“Osmani e mori vesh përmes shokëve të burrit”- Syla pretendon se do të ketë arrestime brenda Qeverisë Kurti, thotë se kjo është arsyeja pse u distancua presidentja
Analisti Valon Syla deklaroi se javët në vijim do të ketë arrestime brenda Qe...
-
12 vjet nga përfundimi i mbikqyrjes së pavarësisë, Kurti falënderon aleatët
Kryeministri Albin Kurti ka thënë se është mirënjohës për mbështetjen e aleat...
-
Ilir Mirena: Vjosa po kërkon armiq që ta vazhdoj karrierën, Albinit më nuk i duhet
Gazetari Ilir Mirena, ka thënë se presidentja e Kosovës Vjosa Osmani, ka nevo...