Ushtarët Ushtarët e Nigerit deklarojnë puç ushtarak në televizionin kombëtare Nigerit deklarojnë puç ushtarak në televizionin kombëtar
Autori: Gazeta inFokus 08:18 | 27 July 2023
Ushtarët në shtetin e Afrikës Perëndimore të Nigerit kanë njoftuar për nisjen e një grusht shteti në televizionin kombëtar.
Ata thanë se kanë shpërbërë kushtetutën, kanë pezulluar të gjitha institucionet dhe kanë mbyllur kufijtë e vendit.
Transmetuesi publik britanik BBC raporton se presidenti i Nigerit, Mohamed Bazoum, është mbajtur nga trupat e gardës presidenciale që nga orët e para të së mërkurës.
Atij iu premtua “mbështetja e palëkundur” e Uashingtonit në një telefonatë nga sekretari amerikan i Shtetit, Antony Blinken.
Sekretari i Përgjithshëm i OKB-së, Antonio Guterres, tha gjithashtu se ai ka folur me presidentin dhe i ka ofruar mbështetjen e plotë të OKB-së.
Bazoum është një aleat kryesor i perëndimit në luftën kundër militantëve islamikë në Afrikën Perëndimore.
Dy vende fqinje, Mali dhe Burkina Faso, kanë përjetuar grusht shtete të shkaktuara nga kryengritjet xhihadiste gjatë viteve të fundit.
Në të dyja vendet, udhëheqësit e rinj ushtarakë kanë rënë në konflikt me Francën, ish-fuqinë koloniale, e cila më parë sundonte edhe Nigerin.
Në njoftimin televiziv të mërkurën, kolonel Amadou Abdramane, së bashku me nëntë ushtarë të tjerë të veshur në uniformë pas tij, tha: “Ne, forcat e mbrojtjes dhe të sigurisë… kemi vendosur t’i japim fund regjimit që ju e njihni”.
“Kjo vjen pas përkeqësimit të vazhdueshëm të situatës së sigurisë dhe qeverisjes së dobët ekonomike dhe sociale”, tha Abdramane.
Ai tha gjithashtu se të gjitha institucionet e vendit janë pezulluar dhe se krerët e ministrive do të kujdesen për punët e përditshme.
“Të gjithë partnerëve të jashtëm u kërkohet të mos ndërhyjnë”, vazhdoi ai. “Kufijtë tokësorë dhe ajrorë janë të mbyllur derisa situata të stabilizohet”.
Ai shtoi se një shtetrrethimi i natës do të hyjë në fuqi nga ora 22:00 deri në 05:00 sipas kohën lokale deri në një njoftim tjetër.
Abdramane tha se ushtarët po vepronin në emër të Këshillit Kombëtar për Mbrojtjen e Atdheut (CNSP).
Pas njoftimit televiziv të ushtarëve, Blinken bëri thirrje për lirimin e presidentit Bazoum.
Ai tha në një konferencë shtypi në Zelandën e Re se ky veprim “është një përpjekje për të marrë pushtetin me forcë dhe për të prishur kushtetutën”.
Trazirat në Niger vijnë në një periudhë kur fuqitë perëndimore janë të shqetësuara për operacionet e grupit mercenar Wagner në këtë rajon të paqëndrueshëm.
Në Malin fqinj, mercenarët rusë të armatosur rëndë po ndihmojnë regjimin ushtarak për t’i luftuar kryengritësit xhihadistë.
Presidenti rus, Vladimir Putin, i etur për ta zgjeruar ndikimin rus në Afrikë, do t’i presë të enjten udhëheqësit afrikanë në Shën Petersburg.
Blloku ekonomik i Afrikës Perëndimore, Ecowas, ka thënë se “dënon në termat më të ashpër përpjekjen për të marrë pushtetin me forcë” në Niger.
Në emër të Ecowas, presidenti i Beninit, Patrice Talon, ka mbërritur në kryeqytetin Niamey me një mision ndërmjetësimi.
Talon tha se “të gjitha mjetet” e nevojshme do të përdoren për ta rivendosur rendin kushtetues në Niger, “por idealja do të ishte që gjithçka të bëhej në paqe dhe harmoni”.
Më herët të mërkurën, turmat në Niamey dolën në rrugë në mbështetje të Bazoumit. Një reporter i BBC-së pa gjithashtu forca të armatosura të rënda, besnike ndaj presidentit, të stacionuara përreth transmetuesit kombëtar.
Qyteti ishte kryesisht paqësor, megjithëse ushtarët që qëndronin pas tentativës për grusht shteti gjuajtën me armë për t’i shpërndarë protestuesit.
Nigeri po përballet me dy kryengritje islamike – njëra në jugperëndim, e cila erdhi nga Mali fqinj në vitin 2015, dhe tjetra në juglindje, ku janë të përfshirë xhihadistët të bazuar në Nigerinë verilindore.
Grupet militante aleate të Al-Kaedës dhe Shtetit Islamik janë aktive në vend.
Presidenti Bazoum, i cili u zgjodh në mënyrë demokratike në vitin 2021, është një aleat i ngushtë i Francës dhe vendeve të tjera perëndimore.
Nigeri ka përjetuar katër grusht shtete dhe tentative të shumta të tjera që nga pavarësimi nga Franca në vitin 1960.
Të tjera
-
Tomë Gashi – Korenicës të VV-së: Mirë ish kanë edhe ti të mbulohesh pakëz
Deputeti i VV-së, Visar Korenica, sot në seancën plenare ka ngritur si shqetë...
-
Tri aksidente sonte vetëm në Prishtinë, nuk dihet a ka të lënduar
Tri aksidente u raportuan në Prishtinë mbrëmjen e sontme. Njëri prej tyre ...
-
Hamza: Do ta jap maksimumin që PDK të ketë rol kryesor për krijimin e Qeverisë – për koalicion preferojmë partitë në opozitë
Kandidati për kryeministër i PDK’së, Bedri Hamza i është përgjigjur pyetjes s...
-
Osmani flet nga New Yorku: Mora konfirmim të fuqishëm nga presidenti Biden se do të jetë përkrah Kosovës
Presidentja e Kosovës Vjosa Osmani ka folur për rëndësinë e koordinimit dhe b...
-
Kurti takohen me Nënsekretarin e UNDP-së, i tregon për projektet zhvillimore në veri
Kryeministri i vendit, Albin Kurti, është takuar me nënsekretarin e Përgjiths...
-
Parashikimi i motit për të premten
Për të premten parashikohet të mbajë mot me diell dhe shumë i ngrohtë. Era...
-
“Me 9 shkurt e sheh a kena keqkuptu a jo”, Tomë Gashi debaton me Zana Avdiun e Blerim Latifin për sjelljen e qeverisë me aleatët
Blerim Latifi, profesor universitar ka thënë se problem i Kosovës tashmë ësht...
-
“Shqetësuese, kryeministri nuk hyn në Shtëpinë e Bardhë, e ka të ndalume”, Latifi i drejtohet deputetit të Vetëvendosjes
“Ku na çon përplasja me Amerikën”, është tema që të enjten po diskutohet në “...
-
Hamza për deklaratën e Hovenier: Për keqardhje që hisedarët më të mëdhenj të Kosovës i kemi sjell në situatë të tillë
Kandidati për kryeministër nga radhët e PDK’së, Bedri Hamza ka komentuar dekl...
-
“Ka ambasadorë qe s’i njeh as lagjja e vetë edhe gjyshi jem ka thanë me i rujt trojet tona”
Avokati Tomë Gashi tha se gjuhën që e ka përdorë ish-ambasadorja Jacobson dhe...
-
Hamza: Për Kosovën të gjithë me u bo bashkë nuk jemi boll, Serbia e Vuçiqi janë problemi
Kandidati i PDK-së për kryeministër, Bedri Hamza, ka thënë se në tema naciona...
-
“Një letër që ka qenë kërcënuese”, Kusari-Lila flet për bisedën me Milan Radoiçiqin
Shefja e Grupit Parlamentar të Vetëvendosjes, Mimoza Kusari-Lila, është pyetu...