Lajme

Ursula von der Leyen uron Trumpin dhe e fton të punojnë së bashku: BE’ja dhe ShBA’ja janë më shumë sesa aleate

Autori: Gazeta inFokus 10:10 | 06 November 2024

Shefja e Bashkimit Evropian, Ursula von der Leyen, e ka uruar, gjithashtu, Trumpin “për fitore si presidenti i 47-të i Shteteve të Bashkuara”, dhe ka thënë se mezi pret të punojë me të për të avancuar një agjendë të fuqishme transatlantike.

“BE-ja dhe SHBA-ja janë më shumë sesa aleate. Ne jemi të lidhur nga partneriteti i vërtetë mes njerëzve tanë, duke lidhur 800 milionë qytetarë. Këto lidhje janë të thella, kanë rrënjë në historinë e përbashkët, në përkushtimin për liri dhe demokraci, dhe synimet e përbashkëta për siguri dhe mundësi për të gjithë”, ka thënë von der Leyen përmes një komunikate.

Ajo e ka ftuar Trumpin për të punuar së bashku në partneritet transatlantik.

-Advertisement-

“Miliona punë dhe miliarda në tregti dhe investime në dy anët e Atlantikut varen nga dinamika dhe stabiliteti i marrëdhënieve tona ekonomike”, ka thënë mes tjerash shefja e BE-së.

Trump i është afruar fitores, mirëpo ende nuk është shpallur zyrtarisht fitues i zgjedhjeve të 5 nëntorit.

Subscribe në YouTube: GAZETA INFOKUSI