Lajme

Uran Ismajli tregon si u sulmua bashkëshortja e Blerand Stavilecit

Autori: Gazeta inFokus 18:21 | 28 August 2017

Nënkryetari i Partisë Demokratike të Kosovës, Uran Ismajli ka dhënë më shumë detaje në lidhje me sulmin fizik që i është bërë sot bashkëshortes së Blerand Stavilecit, Vitores.

Ismajli tha se ky rast është një goditje e rëndë jo vetëm për familjen e tyre po edhe për kulturën në përgjithësi.

“Kjo është një goditje e cila godet jo vetëm familjen por edhe kulturë tonë, edhe normat tona. Nuk goditet ai që është më i dobët fizikisht, që është duke dalë nga shtëpia e saj. Vitorja dhe Blerandi e kanë pas sot përvjetorin e martesës, ajo ka qenë në veturë, duke dalë nga lagjja Veterrnik”, ka thënë Ismajli në Info Magazine në Klan Kosova.

-Advertisement-

Tutje Ismajli shpjegoi se si ka ndodhur rasti që prej daljes nga shtëpia të Vitores e deri tek sulmi.

“Një veturë e ka ndalë i ka dalë përpara. Ajo thotë se fillimisht ka menduar se dikush po kërkon ndihmë ka hapur dritarën i ka thënë: urdhëro. Ata i kanë thënë: hape derën!. Ajo i ka thënë: pse? Dhe pas kësaj ka filluar sulmi, dhe e kanë goditur atë. Dy persona e kanë goditur shumë herë në fytyrë duke e sharë duke i thënë se kështu duhet bërë”.

Ismaili thotë se Vitorja ka qenë si objekt për t’i dhënë një porosi Blerandit.

“Që ai  ka folur shumë, se ai s’duhet të fletë, për Blerandin ka ndodhur sulmi ,Vitoria ka qenë objekt që ata kanë dashtë me i dhanë porosi Blerandit, ajo ka filluar të bërtasë të kërkojë ndihmë, ata janë larguar e kanë lënë atë, pastaj është lajmëruar Blerandi, policia dhe ndihma e shpejtë. Ajo ka një lëndim të madh në fytyrë, është gjakosur mavijosur”, tha ai.

“E kam parë atë ngase kur e mora lajmin kam shkuar shpejt, ajo është në një gjendje të rëndë, gruaja e cila del me punët e saj nga shtëpia dhe sulmohet nga dy persona për shkak të burrit të saj, ajo është në gjendje të rëndë psikike dhe fizike. Rasti ka ndodhur afër ‘Rezonancës’ në Veternik. Ajo është në një gjendje të tronditur. Sulmi ka ndodhë rreth orë 1 në një kohë kur njeriu del të takohu bashkëshortin e vet në qytetin e saj, dhe sulmohet nga dy meshkuj për t’i dhënë një porosi politike burrit të saj”.

“Kjo është një situatë shumë e rëndë në Kosovë”, tha ai./Klan Kosova/

Subscribe në YouTube: GAZETA INFOKUSI
Etiketa:
Studente dhe prind, Medina Berisha tregon për rrugëtimin e saj akademik në UNI- Universum International College, fuqizuar nga Arizona State…
-Advertisement-

Të tjera

Fokusi

lajme