Uran Ismaili detyron babain e 17 vjeçares të kërkoj ndihmë nga Serbia për shërim të vajzës (DOKUMENT)
Autori: Xhejlane Kaçiu 18:10 | 05 April 2019
Të premten, babai i Dhuratës, Emran Avdiu dërgoi kërkesën e fundit për sigurimin e barërave në Ministrinë e drejtuar nga Uran Ismaili, para se t’i drejtohet Ministrisë së Shëndetësisë në Beograd.
Ministria e Shëndetësisë së Republikës së Kosovës nuk ia ka marrë parasysh as kërkesat e as padinë e bërë nga Emran Avdiu, i cili ka nevojë të siguroj barërat për vajzën e tij 17-vjeçare, e cila vuan nga Hyper Tensioni Pulmenar Primar dhe është i vetmi person me këtë sëmundje në Kosovë.
Shpresat se do të marrë ndihmë nga Ministria e Shëndetësisë në Kosovë i humbi kur edhe Avokati i Popullit e mbylli rastin e tij, pa i bërë zgjidhje.
“Avokati i Popullit e ka mbyllur rastin. Unë i kam reaguar Avokatit të Popullit. Këtë mundeni me pa edhe në dokumente. Kur Ministria e shëndetësisë i ka thënë se e kemi bërë kërkesën në Kroaci për trajtim, dhe Kroacia ka thënë se nuk i fut në listën e pritjes pacientët e shteteve tjera, Avokati i Popullit e ka mbyll rastin. Unë ju kam tregu që zgjidhja nuk është në Kroaci, se Kroacia, Sllovenia e Gjermania pacientët e vet i dërgojnë në Vjenë për transplantim”, thotë Avdiu.
Reagimin ndaj Avokatit të Popullit Avdiu e ka bërë më 2 shkurt të këtij viti, duke përmendur shumat e ndara nga institucionet shtetërore për shërimin e Bujar Bukoshit, Isa Mustafës dhe së fundmi edhe për familjen Daci, pas vdekjes tragjike të djalit të Nexhat Dacit, në qendrën e skijimit në Brezovicë.
I lodhur në kërkim të shërimit të së bijës, kërkesën e ardhshme për ndihmë, Avdiu ka planifikuar ta bëj në institucionet e Serbisë.
“Kjo ishte e fundit. Unë kërkesën a ardhshme kam me ba javën e ardhshme në Ministrinë e Shëndetësisë së Beogradit”, shprehet Avdiu.
Këtë vendim e mori pasi edhe gjatë takimit që kishte me ministrin Ismaili, i cili i kishte thënë se nuk është fare i njoftuar me rastin.
“Ai para se të bëhet ministër ka qenë në një tubim në Shtërpcë dhe më tha se dera është e hapur në Ministri të Shëndetësisë sa herë të dua. Tash, në Ministri mundesh vetëm deri në recepcion me hi. Unë jam shku e kam taku në një konferencë, i dola përpara e ai me tha se nuk është fare i njoftuar me rastin. Ai është edhe i paditur për këtë punë, ka komuniku me Avokatin e Popullit, si ka mundësi të mos jetë i njoftuar për këtë”, tregon Avdiu për gazetën inFokus.
Ai po i kërkon këtij institucioni, së paku barëra për ta mbajtur gjallë të bijën.
E, barërat e duhura për trajtimin e sëmundjes nuk gjenden në listën e barërave esenciale, madje duhet një autorizim nga institucionet për t’i sjell në Kosovës, veçanërisht për Dhuratën.
Bari i cili nuk është i regjistruar në këtë listë është “Bosentan”, për të cilin Avdiu thekson se edhe nëse do t’i kishte paratë për ta blerë, atë nuk e gjen nëpër barnatore.
“Këto barëra janë në listën esenciale në Serbi, Maqedoni, Mal të Zi e në shtetet e tjera të rajonit, por jo edhe në Kosovë, bile nuk është duke u bërë punë në këtë drejtim. Madje në Serbi ka edhe shumë më shumë informacione e klinika ku trajtohet sëmundja”, rrëfen Avdiu për Gazetën Fokus.
Në disa prej kërkesave të tij drejtuar ministrisë së Shëndetësisë, ai u ka treguar atyre se disa herë ka pranuar ndihmë me barëra nga institucionet në Maqedoni dhe në Serbi, gjë për të cilën u është atyre shumë falënderues.
Shteti i Kosovës Avdiut i ka ndihmuar vetëm në vitin 2016, kur aso kohe Ministria e Shëndetësisë e udhëhequr nga Imet Rrahmani i LDK-së, pati ndarë për sigurimin e barërave 21,800 euro.
Dhurata Avdiu është në fazën e dytë të sëmundjes, ndërsa ende mund të trajtohet në njërën nga klinikat private të Maqedonisë, të cilët i kanë mundësuar që kontrollet t’i bëj pa pagesë. Por, Emran Avdiu tregon se sipas mjekëve atje, duhet të jetë i përgatitur pasi nëse sëmundja kalon në fazën tjetër më nuk ka trajtim as në klinikën në të cilën i bën kontrollet vazhdimisht.
Ai lutë njerëzit e vullnetit të mirë që t’i ndihmojnë atij. Kërkesë për ndihmë Avdiu tregon se i ka dërguar edhe humanistit Halil Kastrati dhe deputetëve Labinot Tahiri, Vjosa Osmani dhe shumë deputetëve të tjerë./Gazeta inFokus/
Të tjera
-
Ngritët kallëzim penal ndaj dy inspektorëve dhe u.d kryeinspektores së Shëndetësisë, ia ndërprenë jashtëligjshëm punën një qendre shëndetësore
Është ngritur kallëzim penal ndaj ushtrueses së detyrës së kryeinspektores së...
-
Presidentja Osmani shumicën e pasurisë e deklaron në emër të bashkëshortit të saj
Në deklarimin e pasurisë të bërë në Agjencinë Kundër Korrupsionit, Presidentj...
-
Kryeministri Kurti deklaron pasurinë: Banesë në vlerë 400 mijë euro në emër të gruas (Dokument)
Kryeminsitri Albin Kurti ka deklaruar në Agjencinë për Parandalimin e Korrups...
-
Ramush Haradinaj dekalron pasurinë: Vetëm shtëpitë dhe vila e tij kanë vlerë mbi 1.2 milion euro (Dokument)
Ish-kryeministri i Kosovës, Ramush Haradinaj ka deklaruar pasurinë e tij në A...
-
Memli Krasniqi deklaron pasurinë: 65 mijë euro në Bitcoin, shtëpi 180 mijë euro e banesë 120 mijë euro (Dokument)
Agjencia Kundër Korrupsionit ka publikuar të shtunën, deklarimet e pasurisë s...
-
Në 25 vjetorin e rënies, Haradinaj kujton heroin Selman Lajçi dhe të rënët e Brigadës 136 “Rugova”
Kryetari i Aleancës për Ardhmërinë e Kosovës (AAK), Ramush Haradinaj, ka kujt...
-
Në Podujevë arrestohet dhe më pas lirohet një person që dyshohet se po bashkëjetonte me një të mitur
Një person është arrestuar në Podujevë nën dyshimin për bashkëjetesë me një t...
-
Këto janë gjetjet e Themelores së Prishtinës në rastin e “53 milionëshit”, ku Pal Lekaj u dënua me 3 vite e 8 muaj burgim
Me rastin e përpilimit të aktgjykimit në rastin e njohur si “53-milionëshi”, ...
-
Kryeministri Albin Kurti në Berlin më 25 prill, gazetari gjerman zbulon agjendën
Gazetari gjerman, Michael Martens, ka thënë se kryeministri Albin Kurti do të...
-
Ndërron jẻtë në QKUK burri që u aksidẻntua para rreth një jave në Prizren
Policia e Kosovës ka njoftuar se ka ndërruar jetë personi që ishte aksidentua...
-
Vuçiq në konferencën e përbashkët me O’Brien: Kosova do të shpërblehet me anëtarësim në KiE
Presidenti i Serbisë, Aleksandar Vuçiq, është ankuar në konferncën për media ...
-
O’Brien: Kam punuar si i ri në hetimin e krimeve të luftës në Srebrenicë, duhet të përballemi me të vërtetën
Ndihmëssekretari amerikan i Shtetit për Europën dhe Euroazinë, James O’Brien,...