Uran Ismaili: Amerika ia hapi dyert Kurtit, ky e mashtroi
Autori: Gazeta inFokus 20:58 | 28 March 2020
Sekretari i Përgjithshëm i Partisë Demokratike të Kosovës, Uran Ismaili, ka thënë se Ambasadori Richard Grenell, i dërguar special i Presidentit të SHBA-së, Donald Trump, tha mbrëmë një të vërtetë të rëndësishme për qytetarët e Kosovës por njëkohësisht rikonfirmoi se kishim një kryeministër që po gënjente SHBA dhe po manipulonte qutetarët e Kosovës.
Ismaili ka shkruar në faqen e tij në Facebook se është çudi e madhe për votuesit e vitit 2020, të cilët, siç shkruan Ismaili, në mendjen e tyre projektojnë një Albin që flet zhdërvjelltë për të ardhmen, por e vërteta sipas Ismailit është se Kurti aq shumë e shtrembëron dhe dëmton të tashmen.
“Duke e shtrembëruar të tashmen, ai e huq dhe e dëmton edhe të ardhmen. Kjo, në fakt, nuk është diçka e re. Ai ia ka huqur çdo procesi të rëndësishëm për Kosovën. Prej Rambouillet e deri te Pavarësia. Me oratori, por me argumente të rrejshme dhe gabime trashanike. Ka qenë gabim dhe është edhe sot gabim. Tani me një rrezik më të madh, sepse tash po mashtron dhe po manipulon hapur si Kryeministër i Kosovës”, tha Ismaili.
“Me siguri, shumica e atyre që e kanë votuar – kanë menduar se Albin Kurti do të ndryshonte, kur do t’i jepej shansi që të bashkëpunonte. SHBA-të ia hapën dyert. E prapë, Albin Kurti, tani edhe si Kryeministër, i mashtroi. I mashtroi në emër të Kosovës, e jo vetëm si lider i VV-së. Dhe, u shkarkua. Si antiamerikan i përbetuar, me fjalë dhe me vepra”, tha Ismaili.
Deklarata e plotë e Uran Ismailit:
Intervista e mbrëmshme e Ambasadorit Grenell ishte e rëndësishme. Jo pse do ta ndalë hovin e militantëve partiakë – që s’duan t’ia dinë për të vërtetën, por sepse foli ai për të cilin po flitet më së shumti, e që realisht është më i informuari dhe që nuk ka agjendë politike në Kosovë. Atyre që e duan të vërtetën, Grenell ua dha.
Disa sqarime në fillim. Kosova nuk është në agjendën elektorale të Amerikës. As nuk i ndihmon Presidentit Trump që ta fitojë Michiganin, e as Floridën. Presidentët amerikanë zgjidhen nga shtetet e tyre, jo nga një vend i vogël si Kosova. Shikoni debatet politike atje – a flet dikush për Kosovën?
Argumenti që Kosova po përdoret nga SHBA për politika të brendshme është përdorur më herët nga Serbia. Në rastin e bombardimeve, gjatë luftës në Kosovë, ata thoshin se Bill Clintonit i duhej kjo, për ta larguar vëmendjen e opinionit nga Leëinski. Por, ne që kemi vuajtur në atë kohë, e dimë më mirë se ajo ishte vetëm propagandë serbe. Lufta u bë për t’i mbrojtur shqiptarët dhe kjo mbrojtje erdhi nga Amerika dhe nga gjithë NATO.
Kosova është në agjendën e Presidentëve të SHBA-së, që nga Bushi i vjetër, Clinton, Bushi i ri, Obama, e tani edhe të Trump. Për këtë, jemi me fat dhe duhet të jemi popull shumë i lumtur.
T’i kthehemi intervistës së Grenell. Nuk ka marrëveshje sekrete. Me shikoi në sy (Albin Kurti) dhe më tha se do ta heqë taksën. Kështu deklaroi Grenell. Pa emocion, pa e zmadhuar me terma politikë. Na sfidoi. Merreni të vërtetën. Është Kosova juaj. Nuk jemi në lojëra politike, por për vendimet e SHBA-së, pyetemi ne. Një kërcënim i lehtë, për ata që kuptojnë.
Është çudi e madhe për disa votues të vitit 2020, të cilët në mendjen e tyre projektojnë një Albin që flet zhdërvjelltë për të ardhmen, por e vërteta është se ai aq shumë e shtrembëron dhe dëmton të tashmen. Duke e shtrembëruar të tashmen, ai e huq dhe e dëmton edhe të ardhmen. Kjo, në fakt, nuk është diçka e re. Ai ia ka huqur çdo procesi të rëndësishëm për Kosovën. Prej Rambouillet e deri te Pavarësia. Me oratori, por me argumente të rrejshme dhe gabime trashanike. Ka qenë gabim dhe është edhe sot gabim. Tani me një rrezik më të madh, sepse tash po mashtron dhe po manipulon hapur si Kryeministër i Kosovës.
Me siguri, shumica e atyre që e kanë votuar – kanë menduar se Albin Kurti do të ndryshonte, kur do t’i jepej shansi që të bashkëpunonte. SHBA-të ia hapën dyert. E prapë, Albin Kurti, tani edhe si Kryeministër, i mashtroi. I mashtroi në emër të Kosovës, e jo vetëm si lider i VV-së. Dhe, u shkarkua. Si antiamerikan i përbetuar, me fjalë dhe me vepra.
Të tjera
-
O’Brien sot në Beograd, do të takohet me udhëheqësit e Serbisë
Ndihmëssekretari amerikan i Shtetit për Evropën dhe Euroazinë, James O’Brien,...
-
Valon Murati kritikon Kurtin: Nuk është kohë e mburrjeve
Valon Murati nga Lëvizja për Bashkim ka drejtuar kritika në drejtim të kryemi...
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...
-
Vrąsja e intelektualëve të Mitrovicës 25 vjet më parë, Kurti: Serbia ua mohon familjeve të drejtën për të ditur të vërtetën
Kryeministri i Kosovës, Albin Kurti ka kujtuar zhdukjen e intelektualëve të M...
-
Anulohet pjesëmarrja e Kurtit në tubimin e opozitës së Maqedonisë së Veriut sonte në Berlin, çfarë ndodhi?
Bekim Qoku Këshilltar i Jashtëm Politik të Kryeministrit Albin Kurti për marr...
-
Murati: Marrëveshjet e deritanishme janë marrë vetëm me serbët e Kosovës
Kryetari i Lëvizjes për Bashkim, Valon Murati, ka thënë se deri më tani, marr...
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...