Ekonomi

Unioni i Bizneseve shqiptaro-gjermane rizgjedh kryetarin dhe kryesinë e saj

Autori: Islam Morina 21:25 | 20 September 2022

Unioni i Bizneseve Shqiptare dhe Gjermane ka zgjedhur kryesinë e saj në në kuvendin e jashtëzakonshëm, që është mbajtur në Bad Homburg të Gjermanisë, shkruan Gazeta Infokus.

Edhe për një mandat 4 vjeçar në krye të këtij unioni e që është shoqata më e fuqishme ekonomike shqiptare në Gjermani është rizgjedhur biznesmeni dhe ndërmarrësi i suksesshëm Nazmi Viqa.

Kurse nënkryetar i parë është zgjedhur Gani Nuha, nënkryetar i dytë Zenun Krasniqi, sekretar i përgjithshëm Nexhmedin Veliqi, kurse anëtarë të kryesisë janë zgjedhur Bekim Borovci, Vllaznim Kelmendi e Bekim Bytyqi, të gjithë këta afaristë të suksesshëm.

-Advertisement-

Në komunikatën e lëshuar potencohet se së shpejti do të themelohen edhe degët e këtij unioni në Hamburg, Berlin, Dyseldorf, Frankfurt, Shtutgart dhe Mynih, kurse në Prishtinë, Tiranë dhe Shkup pritet të themelohen zyrat ndërlidhëse të unionit.

Komunikata e plotë:

“Në Bad Homburg të Gjermanisë, Unioni i Bizneseve shqiptare dhe gjermane në Gjermani ka mbajtur Kuvendin e jashtëzakonshëm, ku është zgjedhur kryesia e këtij Unioni.

Ndërmarrësi i suksesshëm në Gjermani, Nazmi Viqa është zgjedhur edhe për një mandat Kryetar i Unionit të Bizneseve.
Në Kryesi të Unionit janë zgjedhur po ashtu ndërmarrës dhe afarist të suksesshëm në Gjermani. Gani Nuha, është zgjedhur nënkryetar i parë, nënkryetar i dytë Zenun Krasniqi, sekretar i përgjithshëm është zgjedhur Nexhmedin Veliqi, ndërsa anëtar të tjerë të kryesisë janë zgjedhur Bekim Borovci, Vllaznim Kelmendi dhe Bekim Bytyqi.

Në fjalimin e tij përshëndetës, anëtari i nderit Lazim Destani deklaroi se Unioni duhet t`i bashkoj ndërmarrësit shqiptarë me qëllim që zëri i tyre të dëgjohet kudo në Gjermani dhe bashkërisht t`i tejkalojmë kufinjtë në gjetjen e mundësive të reja për bizneset shqiptare.

Nazmi Viqa potencoi se qëllimet kryesore të këtij Unioni në katër vitet e ardhshme do të jenë forcimi dhe rritja e urave të bashkëpunimit ndërmjet anëtarëve në Gjermani, përfaqësimi i bizneseve para institucioneve gjermane, përkrahja e kompanive shqiptare në vendlindje për qasje më të lehtë në tregun gjerman, dhe krijimi i mekanizmave të bashkëpunimit, investimit dhe shkëmbimit të përvojave.

Kurse në fjalimin e tij, z. Viqa deklaroi se “Unioni buron nga bizneset dhe i tyre do të jetë gjithmonë. Për këtë qëllim së shpejti në Gjermani do të themelohen gjashtë degë regjionale në: Hamburg, Berlin, Dyseldorf, Frankfurt, Shtutgart dhe Mynih. Ndërkaq në vendlindjet tona do të themelohen zyrat ndërlidhëse në Prishtinë, Tiranë dhe Shkup”

Drejtori Ekzekutiv i Unionit Fadil Abdullahu prezantoi strategjinë dyvjeçare të Unionit. Ai deklaroi se “Unioni do të jetë platformë dhe zë i fuqishëm i prezantimit të bizneseve shqiptare në Gjermani dhe vendlindjet e tyre shqiptare.

Zyrat ndërlidhëse do të luajnë një rol kyç në rrjetëzimin e bizneseve shqiptare dhe krijimin e sinergjive të reja me qëllim të rritjes së mundësive investive, qasjes së tyre më të lehtë në treg dhe thellimit të bashkëpunimit ndërmjet bizneseve shqiptare në Gjermani dhe vendlindet shqiptare”.

Unioni i Bizneseve në Gjermani është shoqata më e madhe ekonomike e bizneseve shqiptare në Gjermani”, thuhet në komunikatë./Gazeta Infokus/

Subscribe në YouTube: GAZETA INFOKUSI
Prince Caffe pjesëmarrës në panairin “Gulfood Fair 2024” në Dubai

Të tjera