Lajme

Ultimatumi për pavarësinë, rritet trysnia ndaj udhëheqësit të Katalonjës

Autori: Gazeta inFokus 22:12 | 15 Tetor 2017

Qeveria spanjolle i ka kërkuar Carles Puigdemont të shprehë deri në orën 10:00 të hënën nëse deklarata e tij e paqartë javën e kaluar ishte një shpallje ose jo e pavarësisë.
Nëse po, ose në rast të një përgjigje evazive, shefi i qeverisë spanjolle Mariano Rajoy do t’i japë një afat të fundit deri të enjten në mëngjes për t’u tërhequr para se të marrë nën kontroll Katalonjën, sipas nenit 155 të Kushtetutës.

Nga ana tjetër aleatët i kërkojnë Puigdemont të aplikojë rezultatin e referendumit të 1 tetorit, të ndaluar nga drejtësia, ku “po”-ja për pavarësi morri 90 për qind të votave me një pjesëmarrje në nivelin 43 për qind dhe me mungesë të komisioneve, përcjell Atsh.

Pezullimi i autonomisë rrezikon të nxjerrë në rrugë katalanasit që janë shumë të dhënë pas autonomisë së tyre të arritur pas diktaturës së Francisco Franco (1939-1975), ndonëse ata mbeten shumë të ndarë mbi çështjen e pavarësisë.

-Advertisement-