“Ukraina po rimerr territorin e saj”/ Zelensky i drejtohet rusëve: Nëse doni të jetoni, ikni në shtëpi!
Autori: Gazeta inFokus 11:01 | 30 August 2022
Presidenti ukrainas, Volodymyr Zelensky, u ka bërë thirrje trupave ruse që të largohen nga ofensiva e nisur nga trupat e tij afër qytetit strategjik jugor të Hersonit, që është pushtuar nga Rusia që në fillim të luftës.
Sipas Zelenskyt, trupat ukrainase janë duke rimarrë kontrollin e territorit të tyre. Në një video-mesazh të postuar mbrëmë, Zelensky u zotua se trupat ukrainase do të ndjekin ushtrinë ruse “deri në kufi”.
“Nëse duan të mbijetojnë – është koha për ushtrinë ruse që të ikë. Shkoni në shtëpi. Ukraina po rimerr territorin e saj”, theksoi Zelensky.
Më herët, këshilltari presidencial, Oleksiy Arestovych, përmes një video-mesazhi tha se forcat ukrainase po granatojnë tragetet që forca ruse po përdorin për të furnizuar një pjesë të territorit të okupuar në brengun perëndimor të Lumit Dniepër, në rajonin e Hersonit.
Zëdhënësi i Këshillit Kombëtar të Sigurisë Kombëtare të SHBA-së, John Kirby, tha se ofensiva e Ukrainës veçse ka pasur ndikim në aftësitë e ushtrisë ruse, pasi ka detyruar ushtarët e Moskës që të ripozicionohen dhe disa njësi ruse në lindje janë dëmtuar rëndë.
“Sepse rusët është dashur që të marrin burime nga lindja vetëm për shkak të raportimeve se ukrainasit mund të kryejnë një ofensivë më në jug”, tha Kirby për gazetarët më 29 gusht.
Ministria ruse e Mbrojtjes pranoi se Ukraina ka nisur ofensivë të re, por insistoi se kjo ofensivë ka dështuar, duke pretenduar se forcat ruse janë shkaktuar viktima të shumta në anën ukrainase.
Këto pretendime të Ministrisë së Mbrojtjes së Rusisë nuk kanë mundur të verifikohen në mënyrë të pavarur.
Nga granatimet ruse në qytetin-port të Mikolajivit – që ende është nën kontrollin ukrainas pavarësisht bombardimeve ruse – janë vrarë të paktën dy persona dhe janë plagosur 24 të tjerë, thanë zyrtarët lokalë dhe dëshmitarët.
Ndërkaq, inspektorët nga Agjencia Ndërkombëtare për Energji Bërthamore janë nisur për të inspektuar centralin Zaporizhja, që është nën kontrollin rus.
Ky central ra në duart e rusëve disa ditë pasi Rusia nisi pushtimin e Ukrainës më 24 shkurt.
Luftimet e fundit përreth centralit të Zaporizhjas – që është më i madhi në Evropë – kanë rritur frikën për ndonjë incident bërthamor.
Ekipi i inspektorëve të agjencisë së Kombeve të Bashkuara do të vlerësojë dëmet në ndërtesën bërthamore të Zaporizhjas dhe do të përcaktojë funksionalitetin e sistemeve të sigurisë, tha agjencia.
Sa i përket aspektit diplomatik, ministrat e Mbrojtjes së Bashkimit Evropian po takohen në Pragë më 30 gusht dhe bisedimet e tyre pritet të përqendrohen në krijimin e një programi për trajnimin e ushtarëve ukrainas.
Të tjera
-
Gjermani, fillon gjyqi ndaj princitt, dyshohet si terrorist
Gjatë së martës fillon gjyqi ndaj fisnikut dhe princit të vetëshpallur, Heinr...
-
Gjyqi ndaj Trump, avokatët mbrojtës i kërkojnë gjykatësit të rrëzojë akuzat
Avokatët e ish Presidentit Donald Trump të hënën i kërkuan gjykatësit që po d...
-
Arrestohet shoferi i veturës që goditi dy motoçikleta te “Kafet e Vogla”
Është arrestuar shoferi që goditi me veturë dy motoçikleta te ‘Kafet e Vogla’...
-
Presion ndaj Izraelit, 5 vende europiane janë gati të njohin zyrtarisht Palestinën si shtet sovran
Në aspektin diplomatik Maji 2024 duhet të hyjë si muaj jashtëzakonisht i suks...
-
Bullgaria sot dërgon 100 ushtarë në Kosovë
Bullgaria do të nisë një kontingjent prej rreth 100 ushtarësh në Kosovë, në k...
-
Rrufeja në Gjermani lëndon 10 persona
Rrufeja të hënën në mbrëmje në qytetin lindor të Gjermanisë, Dresden, ka lënd...
-
Ministri kroat: Situata në Kosovë nuk është e mirë
Ministri i Mbrojtjes i Kroacisë, Ivan Anushiq ka deklaruar se situata në Koso...
-
Pérleshje e ashpér në Prishtinë, një person merr lëndime të rënda, i dyshuari arratiset
Gjatë ditës së hënë një mashkull kosovar ka pësuar lëndime të rënda në këmbë ...
-
Reagojnë komunitetet fetare pas martesës mes dy grave në Shqipëri
Komunitetet fetare në Shqipëri kanë reaguar me shqetësim pas publikimit të im...
-
Temperatura deri në 30 gradë, moti në Shqipëri
Shqipëria do të vijojë nën ndikimin e motit të kthjellët dhe temperaturave të...
-
DASH kritikon Kosovën për mbylljen e degëve të bankës serbe në veri
Departamenti amerikan i Shtetit shprehu zhgënjimin për mbylljen nga policia e...
-
Sot mblidhen katër komisione parlamentare
Sot është paraparë që të mblidhen katër komisione parlamentare. Komisioni ...