Lajme

Ujësjellësi u rregullon furnizimin me ujë dy fshatrave për hir të Ramazanit

Autori: Gazeta inFokus 09:57 | 18 May 2018

KRU ” Prishtina ” sh.a. ka njoftuar konsumatorët e fshatit Makovc dhe Llukar, se gjatë ditës së sotme, për hir të muajit të Ramazanit, ekipet e mirëmbajtjes së rrjetit të ujit do ua sanojnë dëmtimin e gypit dhe rregullimin e valvulës.

Kjo kompani përmes një njoftimi për media ka thënë se këtë po e bëjnë  pavarësisht se ka qenë përgjegjësi e vet konsumatorëve që të merren me rregullimin e kësaj gjendje.

“Konsumatorët e fshatit Makovc dhe Llukar janë ballafaquar me mungesë të ujit të pijshëm qe afër dy muaj, jo për shkak të shkyçjes nga sistemi i rrjetit të ujësjellësit për shkak të mospagesës së shërbimeve, por për shkak të dëmtimit të valvulës dhe gypit kryesor. Dëmtimi është shkaktuar nga persona të pandërgjegjshëm, ku si pasojë ka pasë rrjedhje të konsiderueshme të ujit të pijshëm, me çrast kemi qenë të detyruar të ndërpresim furnizimin me ujë për konsumatorët e fshatrave në fjalë”, bëhet e ditur në njoftim, përcjell KosovaPress.

-Advertisement-

KRU ”Prishtina” sh.a. është duke i përmirësuar shërbimet për ujësjellës  dhe kanalizim dhe u bën thirrje të gjithë konsumatorëve përfshirë edhe konsumatorët e fshatit Makovc dhe Llukar, që:

Tu përgjigjen pozitivisht të gjitha obligimeve financiare për shërbimet e ujësjellësit dhe kanalizimit, në mënyrë që të evitojnë shkyçjen nga shërbimet, sepse ato po bëhen më intensive çdo ditë e më shumë, dhe secili konsumatorë individualisht obligohet të nënshkruajë kontratë për shërbimet me ujësjellësin e Prishtinës, në të kundërtën, Ligji nuk i njeh si konsumatorë.

Të gjithë konsumatorëve që kanë përfituar nga Ligji për Faljen e Borxheve Publike, u bëjmë thirrje që të respektojnë në përpikmëri kontratat për riprogramimin e borxhit, gjithnjë duke paguar këstet e përcaktuara sipas kontratës së nënshkruar nga të dyja palët, si dhe faturat mujore.

-Duke filluar nga data 1 shkurt 2018, të gjithë konsumatorët që kanë përfituar nga Ligji për Faljen e Borxheve Publike dhe nuk iu janë përmbajtur Kontratës për pagesën me këste të borxhit të riprogramuar, do të iu rikthehet borxhi i falur, bazuar në Ligjin për Faljen e Borxheve Publike, sepse është detyrim Ligjor.

KRU”Prishtina” sh.a. do t’i intensifikon aktivitetet që, borxhet e prapambetura të arkëtohen përmes Përmbaruesve Privat

Subscribe në YouTube: GAZETA INFOKUSI
Etiketa:
Studio MASTER në UNI, Merr Diplomë dhe lejeqëndrim t’përhershëm në GJERMANI

Të tjera

Fokusi

lajme