Lajme

Uashingtoni vë sanksione ndaj përgjegjësve për konfliktin ukrainas

Autori: Gazeta inFokus 18:44 | 26 January 2018

Thesari amerikan njoftoi sot për sanksione të reja të lidhura me konfliktin në Ukrainë dhe me aneksimin e Krimesë nga Moska, duke shënjestruar kryesisht përgjegjës rusë dhe ministra separatistë.

Disa prej këtyre sanksioneve të reja financiare, që shënjestrojnë gjithsej 21 persona dhe nëntë njësi, përfshirë katër turbina të prodhuara nga gjermani “Siemens” dhe të devijuara, sipas perëndimorëve, drejt Krimesë për të furnizuar me energji territoret e aneksuara nga Rusia.

“Qeveria amerikane është e vendosur që të ruajë sovranitetin dhe integritetin territorial të Ukrainës dhe të shënjestrojë ata që përpiqen të dëmtojnë marrëveshjet e Minskut”, deklaroi sekretari i Thesarit, Steve Mnuchin në një komunikatë.

-Advertisement-

Marrëveshjet e Minskut të nënshkruara në fillim të vitit 2015 në përpjekje për të rregulluar këtë konflikt, që ka filluar në pranverë 2014 dhe që ende vazhdon.

“Ata që furnizojnë me të mira, shërbime apo japin mbështetje materiale për personat dhe njësitë e sanksionuara nga SHBA-ja për aktivitetet e tyre në Ukrainë ekspozohen gjithashtu ndaj sanksioneve amerikane”, theksoi ai.

Subscribe në YouTube: GAZETA INFOKUSI