Lajme

“U tregua profesionale”- Peach lavdëron Policinë e Kosovës për reagimin ndaj sulmit në Banjskë

Autori: Gazeta inFokus 10:53 | 25 Janar 2024

Britania mbështet absolutisht normalizimin e marrëdhënieve ndërmjet Kosovës dhe Serbisë.

Kështu ka thënë i dërguari britanik për Ballkanin Perëndimor, Stuart Peach, në një intervistë për agjencinë kroate të lajmeve “Hina”.

Peach në këtë bisedë dënoi sulmin terrorist në Banjskë të Zveçanit më 24 shtator të vitit që shkoi.

-Advertisement-

Britaniku e vlerësoi si “incident të rëndë” dhe theksoi se autoritetet e Kosovës po bashkëpunojnë në hetimin e ngjarjes, “gjë që e ka theksuar edhe gjatë bisedimeve në Bruksel”.

“Nga normalizimi ndërmjet Prishtinës dhe Beogradit do të përfitojnë të gjithë qytetarët e të dy vendeve, por edhe rajoni më i gjerë, përfshirë edhe Kroacinë, dhe e ardhmja e Kosovës është ajo e një republike multietnike”, tha Peach.

I dërguari britanik i ka bërë thirrje Serbisë që të vendosë sanksione kundër Rusisë, pasi është vendi i fundit në Ballkanin Perëndimor që nuk e ka bërë këtë. Ai ka kërkuar edhe të hetohet procesi zgjedhor i zgjedhjeve të fundit atje.