Lajme

U rrëzua punëtori – Pronari i kompanisë konfirmon arrestimin e djalit të tij: Mezi po presin

Autori: Gazeta inFokus 13:48 | 12 Qershor 2023

Një punëtor i kompanisë së ndërtimit “Fidola ShPK”, që ndodhet në Zllatar të Prishtinës është rrëzuar nga skelet teksa po punonte. Pas rastit në pranga ka rënë menaxheri i kompanisë, i cili është djali i pronarit, Isak Fejza. Ndërkohë që policia e inspektorati kanë nisur hetimet për Insajderin është deklaruar vet pronari.

Fejza ka konfirmuar se gjendja e punëtorit është stabile teksa shtoi se djali i tij është dërguar në mbajtje.

Ai ka deklaruar se punëtori ka qenë i pajisur me pajisjet e nevojshme të punës.

-Advertisement-

“Po është rrëzuar, gjendja e tij është stabile ka pasur një operim, është rrëzu prej 70 centimetrave përmbrapa, të gjitha pajisjet i ka pasë, ka qenë i regjistruar po ja që ka ndodhë, taksirati“, tha ai për Insajderin.

“Po djali është arrestu, tash e keni pa, po na shtinë në burg mezi po presin”, deklaroi Fejza.

Për rastin janë deklaruar edhe nga Policia e Kosovës përmes raportit 24 orësh.

Hetimi është nisur nën dyshimin e veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

“Prishtinë 10.06.2023 – 16:43. Viktima mashkull kosovar është dërguar për tretman mjekësor, pasi që ishte rrëzuar në vendin e tij të punës. Personi përgjegjës i kompanisë është intervistuar dhe me vendim të prokurorit, është dërguar në mbajtje”, thuhet në raport përcjell Insajderi.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy